ROMUDENƆ 2:7-15

⁷Gbɛ̃ kũ òtɛn gakuri kũ bɛ̀ɛrɛɛo kũ mɛ̀vãnasario wɛtɛ, akũsↄ̃ òtɛn yã mana kɛ kũ mɛnaonↄ ni wɛ̃̀ndi kũ àdi lákaro le.

⁸Gbɛ̃ kũ ń zĩda pↄyeina tɛn dońnɛ arɛ ò gì yãpurai ò tɛ́ yã vãninↄ sↄ̃, Luda ni pↄfɛ̃ kũ pɛ̃tɛ̃o kipaḿma.

⁹Wɛ́tãmma kũ wãwão ni yãvãnikɛri sĩnda pínki le, atɛ̃nsa Yudanↄ, ń gbɛra buri pãndenↄ.

¹⁰Luda ni yãmanakɛri sĩnda pínki gba gakuri kũ bɛ̀ɛrɛɛo kũ aafiaao, atɛ̃nsa Yudanↄ, ń gbɛra buri pãndenↄ.

¹¹Zaakũ Luda dì gbɛ̃ke wɛ́ gwaro.

¹²Gbɛ̃ kũ à durunna kɛ̀ Musa doka dↄ̃naa sari ni kakatɛ lɛ doka pìi sari. Gbɛ̃ kũ à durunna kɛ̀ nana doka pì ↄĩ sↄ̃, Luda ni yãkpatɛ kɛ kãao doka pìi musumɛ.

¹³Adi kɛ gbɛ̃ kũ àtɛn doka ma kũ são mɛ́ à mana Ludanɛro. Gbɛ̃ kũ àtɛn zĩ kɛa mɛ́ ani bo mana.

¹⁴Tó buri kũ ò Musa doka dↄ̃ronↄ yã kũ à kↄ̃ sìoo kɛ̀ kũ ń zĩdao, ò doka vĩ ń zĩdaaamɛ.

¹⁵Òtɛn mↄwɛrɛ kũ yã kũ à kú doka pìi gũn kú ń nɛ̀sɛmmɛ. Ń laasun tɛni a yãpura o dↄ, zaakũ ń laasun mɛ̀n doro, a kenↄ dì ń da yãn, a kenↄ dì ń bon.