ROMUDENƆ 16:7-22

⁷À fↄ kpá Andarↄniku kũ Yuniaooa. Ma buri dake kũ ò ó dá kpɛ́siran lɛɛlɛnↄmɛ. Ò tↄ́ bò Luda zĩ̀rinↄ tɛ́, akũsↄ̃ ò kú Kirisi gũn ma ã.

⁸À fↄ kpá Ampliatu kũ à de ma gbɛ̃ yenyĩde ũ Dikiri gũnwa.

⁹À fↄ kpá Ubanu kũ à de ó zĩkɛri dake ũ Kirisi zĩ gũnwa kũ ma gbɛ̃ yenyĩde Satakio.

¹⁰À fↄ kpá Apɛlɛ kũ à zɛna gbãna Kirisi gũnwa. À fↄ kpá Arisitↄbulu bedenↄa.

¹¹À fↄ kpá ma Yuda dake Hɛrↄdiↄ̃a. À fↄ kpá Nasisu bede kũ ò kú Dikiri gũnnↄa.

¹²À fↄ kpá Tirifɛna kũ Tirifosaooa. Nↄgbɛ̃ pìnↄ dì zĩ kɛ Dikirinɛ manamana. À fↄ kpá Pɛsia. Nↄgbɛ̃ yenyĩde pì zĩ kɛ̀ Dikirinɛ manamana.

¹³À fↄ kpá Rufu kũ à bò ado Dikiri zĩ gũnwa kũ a da kũ matɛn gwa ma da ũo.

¹⁴À fↄ kpá Asinkiritua kũ Flɛgↄ̃o kũ Ɛmɛsio kũ Patarobao kũ Ɛmao kũ ń Yesude dake kũ ò kú lɛɛlɛnↄ ń pínki.

¹⁵À fↄ kpá Filↄlↄgua kũ Yuliao kũ Nɛrɛuo kũ a dãreo kũ Ɔlimpao kũ Luda gbɛ̃ kũ ò kú lɛɛlɛnↄ ń pínki.

¹⁶À fↄ kpákↄ̃a kũ Luda gbɛ̃nↄ lɛ́pɛmmanaao. Kirisi sↄsinↄ gbɛ̃nↄ fↄ kpàáwa ń pínki.

¹⁷Ma gbɛ̃nↄ, matɛn oárɛ à laakari kɛ gbɛ̃ kũ ò bò yã kũ a dàda kpɛnↄi. Òdi gbɛ̃nↄ kɛ̃kↄ̃a ò gbɛ̃nↄ sãtɛ. À kɛ̃ḿma,

¹⁸zaakũ gbɛ̃ bire takanↄ dì do ó Dikiri Kirisiiro, sé ń gbɛrɛ yã. Òdi taarisaridenↄ sãtɛ kũ lɛ́nnao kũ yãdↄ̃o.

¹⁹Gbɛ̃ sĩnda pínki á mìnatɛna Dikirinɛ baaruu mà. Matɛn pↄnna kɛ á yã musu. Má ye àgↄ̃ yã mana ↄ̃ndↄ̃ vĩ àgↄ̃ wɛ́siradenↄ ũ yã vãni musu.

²⁰Luda Aafiade ni Setan dúgu zↄ̃ á gbá zĩtɛ tera. Ó Dikiri Yesu gbɛ̃kɛ kɛárɛ.

²¹Ma zĩkɛri dake Timↄti kũ ma buri dakenↄ Lusiu kũ Yasↄ̃o kũ Sosipatao fↄ kpàáwa.

²²Makũ Tɛtiu kũ ma takada dí kɛ̃̀ fↄ kpàáwa Dikiri gũn.