14 “Mu nouwa enewaruwat ge sisiwa gumbe noidauwane.”
15 “Amowa mu oma ane kintoeme mut ag ganigani wattan oya.
16 Watkukamtanwa ge danadawai mu ebuwave.
17 Sira mu yum ebuwawa den yaug anoya.”
18 “Mu yangowo namive God gumbe a onan.”
19 Nu mamaib yaug anotu. Dividivi gumbe Gwangwan waiviwa undag me Gwangwan ankwatave wakeeme igiyawa munan. Me nouwa undag iyaigitpe, piyu mame undag God keptete gumbe noiwa autan oya.
20 Kuiyawa Gwangwan aigimtanwa gumbe, bira da oma den ane oraimina ape God namive. Megara Gwangwan gumbe kukaeba numa yaug anota.
21 Megara gare mame di, God oraiwa meuma me taibe toyau nunne, me Gwangwan amaratanwa gumbe onan. Me Gwangwan ge Propeta bukaeba danave wait tenewa.
22 Me God oraiwa me Iesu Keriso gumbe anotumat eme igiyawa undag mu gumbo muniviwa. Ube onan iyayapan yapowo.
23 Iyayapan undag kukaeba aya, meoya God gumbe mu oma den ane eyawa aupe.
