ROMO 11:32-36 in Umbu-Ungu

³² Yomboma pali Pulu Yemone ‘We kondo kolambo.’ nimbale ‘Ono pali u ungumu naa pilku bulu siengi.’ nirimu.

³³ Olionga Pulu Yemo paa molopa kondolemo. Yu molemo mele olione pilipu sundulimulu. Mulúmu paa olandopa lemó olione yu manda naa manda manjimulú mele aku sipala Pulu Yemo yunga ulu peanga selemoma kinia yunga konopumu kinia yunga pilipa kondolimu kinia paa awisili pelemo, olione manda pilipu naa limulú. Yu konopumuni pilipa nilimúmanga puluma olionga yombo sene paa manda naa pilipu nilimulu; yu aulka pulimúma paa manda naa kanopo lendelemolo.

³⁴ “Nawene Ye-Awilimu konopu lemó mele pilielemoye? Molo nawene unguma kinia, uluma kinia, Ye-Awilimu lipa ora simbaye?”

³⁵ “Molo nawene ‘Yuni na méle pundu topili kene nane yu-kinia elou sambili.’ nimba yu mélse we sirimuye? ⸤Yombo se mólo.⸥”

³⁶ Yu mélema pali serimu Pulu Yemo; yu mélema pali enge sipa nokopa molemo; mélema pali yunga mindi. Kiniá kepe pe alieli kepe olione ‘Yu paa olandopa yemo. Yunga imbimu mélemanga pali paa olandopa molemo.’ nimbu yu kape nimbu imbi ambolopo paka tondolepo mindi pamili. Sika aku sipa sepili.

³² Yemboma pali Pulu Yemone ‘We kondo kolambo.’ nimbelie ‘Eno pali ou ungu ta niengi.’ nirimu.

³³ Olionga Pulu Yemo paa molopa kondolemo. Yu molemo mele olione pilipu sundulimolo. Mulúmu paa olandopa lemo olione yu kapola naa manda manjimolo mele aku sipela Pulu Yemo yunge ulu peanga telemoma kinie yunge konopumu kinie yunge pilipe konginjelimu kinie paa awisili pelemo, olione manda pilipu naa limolo. Yu konopumuni pilipe nilimomanga pulume olionga yembo tene paa manda naa pilipu nilimolo; yu aulke pulimoma paa manda naa kanopo lendelemolo.

³⁴ “Nawene Awilimu konopu lemo mele pilimoye? Molo nawene ungume kinie, ulume kinie, Awilimu lipe ora simbeye?”

³⁵ “Molo nawene ‘Yuni na mele pundu topili kene nane yu-kinie elou teambili.’ nimbe yu melte we sirimuye? ⸤Yembo te molo.⸥”

³⁶ Yu melema pali terimu Pulu Yemo; yu melema pali enge sipe nokopa molemo; melema pali yunge mindi. Kinié kepe pe alieli kepe olione ‘Yu paa olandopa yemo. Yunge imbi melemanga pali paa olandopa molemo.’ nimbu yu kapi nimbu imbi lipu ola mundundulipu mindi pamili. Sike aku sipe tepili.

³² Yamboma pali Pulu Yemone ‘We kondo kolambo.’ nimbelie ‘Ene pali ou ungu ta niengi.’ nirimu.

³³ Olionga Pulu Yemo paa molopa konjilimo. Yu molemo mele olione pilipu sundulimolo. Mulúmu* paa olandopa lemo olione yu kapola naa manda manjimulú mele aku sipela Pulu Yemo yunge ulu peanga telemoma kinie yunge konopumu kinie yunge pilipe konginjilimu kinie paa aisili pelemo, olione manda pilipu naa limulú.** Yu konopumuni pilipe nilimomanga puluma olionga yambo tene paa manda naa pilipu nilimolo; yu aulke pulimoma paa manda naa kanopo lenjilimolo.***

³⁴ “Naene Ailimu konopu lemo mele pilimoye? Molo naene unguma kinie, uluma kinie, Ailimu lipe ora simbeye?”*

³⁵ “Molo naene ‘Yuni na mele pundu topili kene nane yu kinie elou teambili.’ nimbe yu melte we sirimuye? ⸤Yambo te molo.⸥”*

³⁶ Yu melema pali terimu Pulu Yemo; yu melema pali enge sipe nokopa molemo; melema pali yunge mindi. Kinié kepe pe alieli kepe olione ‘Yu paa olandopa yemo. Yunge imbi melemanga pali paa olandopa molemo.’ nimbu yu kapi nimbu imbi ambolopo ola linjilipu mindi pamili. Sike aku sipe tepili.