Romans 9:10-16

¹⁰Ale umu la mena. Rebekah ko kuriang ilagala nunga nonet suanta, anananga girigir Isaac.

¹¹Bare kuriang singisik ilagala umu me bilangaman ale munan ningo agi memek me betera la, Kaem ko munan kota kariimet noko ma nunga balso wore te beteram.

¹²Noko munan kari ko betera kaora te ari se me aura, mu te Rebekah maonam, “Kuriang laun mu kuriang uria umu ko kari dungan bagarukko,” mam.

¹³Batoga bo te baluwoso iwita, “Ani Jacob angamang tuem, bare Esau mu ani abiring tuem.”

¹⁴Se umu ana awuk ko balnakko? Kaem munan diram me beteram manak e? Mena biya!

¹⁵Nu Moses iwita maonam, “Ani awiriya angamang tuekko mu ani angamang tusam, ani awiriya sangikko mu sangorsam.”

¹⁶Bore te se, ana wetang te ariginakko, umu kari ko gomang te agi ko ura kowar te mena, mu Kaem kota ko gomang kari tuso ale uwutata beteso.