ROMANOS 3:23-28

²³ia₁ ca₂le₃jɨ́n₃ bá₄ ma₂qui₂ma₂'náu₂ dso₄, jaun₂ uɨ́ng₂ lɨn₃ bá₄ tióin₂ ja₁qui₂tág₅ co₂'né'₅ quió'₅ Diú₄.

²⁴La₁ Diú₄ në́₃, ia₁ a₂'ua₁ dsɨ́₅ bá₄ 'ë́₂ jág₁ a₂tsá₃ dso₄ rë₂cáin'₄, on₃jua'₅₄ a₂'nió'₅ quí₃ 'lia'₅₄. A₂lë₁lió₂ bá₄ të₂le₃ quian'₅₄ Cristo Jesús i₂ca₂quí₃ o₄quió'₄ dsáu₁ dsa₂.

²⁵Ca₂chen'₃ Diú₄ ja₁ŋi'₅₄ ia₁jaun₂ dsian₅ dsáu₁ dsa₂ mɨ₂güɨ́g₃ quian'₅₄ jmɨ₂ 'ain₅₄ a₂ca₂tein₃. A₂lë₁gue₅ bá₄ dsa₂ a₂jaun₂ jmá'₃ të₂le₃ quian'₅₄ a₂'éin₂. Le₂në₅ ca₂rë₃jniá₂ Diú₄ i₂lɨ́n₅ i₂qui₃dsɨ₅ 'éi'₃ rë₂, ia₁ a₂ma₂ca₂jme₃juɨin'₂ dsɨ́₅ a₂ma₂ca₂ŋág₃ bá₄ dsáu₁ dsa₂ a₂jme₁'no₂₃ ma₂lɨ́g'₂.

²⁶Le₂në₅ ca₂jmo₃ Diú₄ a₂ca₂jme₃jniai₂₃ a₂rë₂ qui₃dsɨ₂₃ 'éi'₃, a₂ca₂jme₃jniai₂₃ a₂jɨ́in₂ dsa₂ i₂'én₂ të₂le₃ quió'₅ Jesús në₂jag₄ bá₄ a₂ca₂jme₃ti₃.

²⁷¿'E₂ bá₄ ca₂lë₃ jaun₂ në́₃ quian'₅₄ a₂jmo₅ dsa₂ táin'₅? Co₂dsia₅ të₂tsɨ'₅₄ cau₅ bá₄ a₂jaun₂. ¿'E₂ 'uɨg₅₄? ¿'An₁ 'uɨg₅₄ a₂jme₃ti₃ dsa₂ 'Éi'₃? Jan₂'ón₄. 'Uɨg₅₄ ia₁ a₂'én₂ bá₄ dsa₂.

²⁸Ma₂në₂quiong₅₄ bá₄ jniog₄ 'í₁ jaun₂ në́₃, a₂jɨ́n₂ Diú₄ dsa₂ në₂jag₄ bá₄ a₂ca₂jme₃ti₃, 'uɨg₅₄ ia₁ a₂'éin₂, jaun₂ tsá₃ 'e₂ 'í₁ con₂ guë́₄ jua'₅₄ a₂ca₂jme₃ti₃ o₃ tsá₃ ca₂jme₃ti₃ 'e₂, con'₂ lë́₅ 'Éi'₃.