11 Nik tub xaa nanzaat yek, nu nik tub xaa nankwaant Dios.
12 Rese xaa mlaa Dios, rese xaa mzen naz nawent, lal ngok rese xaa zee nyentra sirb re xaa. ¡Nik tub xaa nle kwaan wen nyent! ¡Nik gola tub xaa! Sal. 14:1-3
13 Lee yeer yenn xaa nak mod baa kwaan nzoxal, nu roo xaa nroo kwaan nkade xaa. Sal. 5:9 Nu re wdizh kwaan nii xaa nak mod xtox mball. Sal. 140:3
14 Nu kwaan roo xaa nge xaa lo re myet nu nii xaa re wdizh nala lo re myet. Sal. 10:7
15 Nu kwaan rop nii xaa nrexonn xaa, gut wechxinn xaa.
16 Palpa nzha xaa nle xaa ndil re myet nu nted xaa re myet bid.
17 Nu nanlabeyyt xaa naz kwaan nle zee kwi wen re xaa. Is. 59:7-8
18 Nu tira nanzhebt xaa ne xaa Dios. Sal. 36:1
19 Nela be, rese kwaan nii ley cheen Dios, leeya nii lo re xaa ngwii lo ley. Kwaanzee nik tub myet nyent mod né: “Nanet na cho kwaan nak jwalt”. Nel Dios naab kwent lo rese myet.
20 Nyent mod zo wen myet kwaan Dios nel ngwii xaa lo ley. Nel nebse non ley, zee luu, be nak tub xaa nzeb jwalt.
21 Per nal mlu Dios nen xomod zo be nali lo xaa, nu nanakta nel ngozhaw be ley cheen Ches, nel leeka ley nzaa kwent xomod nzhaal zo be nali lo Dios nu noka re xaa yilo, xaa mzaa kwent kwaan nzhé Dios lo lee xaa, mzaa kwent xomod nzhaal zo be nali lo Dios.
22 Nu nali nzo be lo Dios nal, nel ngwii be lo Jesucrist. Nu kwent cheen xaa rese myet nzho mod zo nali lo Dios nel delant lo Dios lal nak re myet.
23 Rese myet mle jwalt nu tira nanalit nzo xaa lo Dios.
24 Per nel nkela Dios rese be, mle xaa be mod tub xaa nik tub jwalt namlet, kwent cheen kwaan mle Jesucrist, leezha ngut xaa zee mdix xaa rese jwalt cheen be.
25 Mlaa Dios ngut Jesucrist delant lo rese myet zee gorna mxo xaa xren xaa ngok xaa tub xaa mchee jwalt cheen rese myet, xaa ngwii lo xaa. Nel myedoola Dios ne re be nazskweeze, nu nangunaabt xaa kwent lo re jwalt kwaan mle be,
26 nel nzhekla xaa luu xaa lee xaa nak xaa nali re mbizh ne. Nu nal seetaka nali nak xaa, nu nkiib xaa jwalt tich re xaa ngwii lo Jesucrist zee noka lee xaa gak xaa nali lo Dios.
27 Kwaanzee, ¿paro nlake yalxwa cheen myet lo Dios? ¡Mluxa! Nel nyent mod zo xaa nali lo Dios nel ngozhaw xaa ley cheen Dios; kwaanzee nebse xaa ngwii lo Jesucrist nzho mod zo nali lo Dios.
