Romanos 2:20-25 in Achi

²⁰ Qui bij yix lic ix ʼutz laj aj cʼutunel chique i n-quiqui ta tu be u tzij i Dios; qui bij yix ix ʼutz laj aj tijonel chique i cʼa te ca tijin qui nawic. Queje ile qui chʼob yix, man iwetaʼam i ʼatbal tzij chi tzʼibtal can rumal i mam Moises. Rumal i ʼatbal tzij-le, qui bij yix lic ronojel iwetaʼam, xak ix rajaw i sak laj tzij. (Queje ile qui bij yix.)

²¹ Yix chi ix aj Israel winak, lic que i tijoj i juban, qui bij yix. ¿Wuchac ʼut n-quix naw ti yix chu ʼonquil pacha i qui cʼutu? Yix qui cʼutu chi n-ʼus taj ca ʼan elaʼ; quin tzʼonoj ʼuri chiwe ¿n-qui ʼan ti elaʼ yix?

²² Yix xak qui cʼutu chi n-ʼus taj we jun cu min rib ruʼ jun ixok we n-rixokil taj. Bay, quin tzʼonoj chiwe ¿n-queje ti qui ʼan yix ile? Qui bij yix chi n-ʼus taj coc qui ʼij niʼpa i qʼuexwach je ʼantalic, ¿wuchac ʼut quix oc pa tak cachoch tiox y quiwelʼaj ubitak-que chique? Ile xak n-ʼus taj.

²³ Yix toʼ nim i ʼanom che iwib, man chiwe yix xyaʼ wi i ʼatbal tzij tzʼibtal can rumal i mam Moises. Xui-ri, yix i kajsam u ʼij i Dios man n-quix cojon ta che i u ʼatbal tzij-le.

²⁴ Xeʼelok pacha i tzij tzʼibtal chupam u wuj i Dios chi queje iri cu bij: “I ne te aj Israel winak, cʼax que chʼaw che i Dios iwumal yix.” (Queje ile tzʼibtalic.)

²⁵ Yix chi ix aj Israel achiab, ʼo i retal circuncision ʼantal che i chʼacul chuwach i Dios chi yix ʼo i trat ruʼ ire. ʼUtz iwe yix rumal i retal-le, xui-ri, we lic quix cojon che i ʼatbal tzij tzʼibtal can rumal i mam Moises. We n-quix cojon ta che, queʼelok ix xak jun cuʼ ique chi n-ʼantal ti retal-le che qui chʼacul.

²⁰ E chawach riꞌat, at qꞌilonel ke ri na jinta kakiriqo y at kꞌutunel ke ri e chꞌutiꞌq. E kachꞌobꞌ riꞌat kꞌo ronoje yaꞌbꞌal naꞌoj y qꞌijsaq awukꞌ, ma yaꞌtal ri Tzij Pixabꞌ paqꞌabꞌ.

²¹ Jelaꞌ kꞌu riꞌ we katkꞌutun chike jujun chik, ¿suꞌbꞌe na katkꞌutun ta chawibꞌil awibꞌ? Riꞌat kat-tzijon puwiꞌ na utz taj we jun kuꞌan eleqꞌ; ¿suꞌbꞌe kꞌu riꞌ riꞌat kaꞌan eleqꞌ?

²² Yey kabꞌiꞌij na utz taj we junoq kamakun chirij ri kꞌulanikil; ¿suꞌbꞌe kꞌu riꞌ riꞌat kaꞌan waꞌ? Katchꞌaꞌt ne chikij ri tiox; ¿suꞌbꞌe kꞌu riꞌ kakoj aqꞌabꞌ che taq ri re tiox?

²³ Riꞌat lik kaꞌan nim che awibꞌ ma kꞌo awukꞌ ri Tzij Pixabꞌ re ri Dios. ¡Yey riꞌat kapalajij ri Tzij Pixabꞌ re ri Dios y rukꞌ wa kaꞌano kakꞌaq bꞌi uqꞌij Rire!

²⁴ E uwariꞌche e jelaꞌ pachaꞌ ri tzꞌibꞌital kan pa Ruchꞌaꞌtem ri Dios: Ruma ri imak riꞌix ix aj judiꞌabꞌ, ri na e ta aj judiꞌabꞌ lik tzel kechꞌaꞌt chirij rubꞌiꞌ ri Dios kachaꞌ.

²⁵ Paqatzij wi ri retalil re circuncisión kꞌo kutiqoj wi chawe, we kataqej ri Tzij Pixabꞌ. Noꞌj we na kataqej taj, riꞌ junam awach rukꞌ ri na ukojom ta ri retalil re circuncisión.

²⁰ E chawach riꞌat, at kꞌilonel que ri na jinta caquiriko y at cꞌutunel que ri e chꞌutiꞌk. E cachꞌob riꞌat cꞌo ronoje yaꞌbal naꞌoj y kꞌijsak awucꞌ, ma yaꞌtal ri Tzij Pixab pakꞌab.

²¹ Jelaꞌ cꞌu riꞌ we catcꞌutun chique jujun chic, ¿suꞌbe na catcꞌutun ta chawibil awib? Riꞌat cat-tzijon puwiꞌ na utz taj we jun cuꞌan elekꞌ; ¿suꞌbe cꞌu riꞌ riꞌat caꞌan elekꞌ?

²² Yey cabiꞌij na utz taj we junok camacun chirij ri cꞌulaniquil; ¿suꞌbe cꞌu riꞌ riꞌat caꞌan waꞌ? Catchꞌaꞌt ne chiquij ri tiox; ¿suꞌbe cꞌu riꞌ cacoj akꞌab che tak ri re tiox?

²³ Riꞌat lic caꞌan nim che awib ma cꞌo awucꞌ ri Tzij Pixab re ri Dios. ¡Yey riꞌat capalajij ri Tzij Pixab re ri Dios y rucꞌ wa caꞌano cacꞌak bi ukꞌij Rire!

²⁴ E uwariꞌche e jelaꞌ pachaꞌ ri tzꞌibital can pa Ruchꞌaꞌtem ri Dios: Ruma ri imac riꞌix ix aj judiꞌab, ri na e ta aj judiꞌab lic tzel quechꞌaꞌt chirij rubiꞌ ri Dios cachaꞌ.

²⁵ Pakatzij wi ri retalil re circuncisión cꞌo cutikoj wi chawe, we catakej ri Tzij Pixab. Noꞌj we na catakej taj, riꞌ junam awach rucꞌ ri na ucojom ta ri retalil re circuncisión.