7 Ijkó kiné, ximoselikah non nochteh, ijkó kemi Cristo otechseli, para matikweyilikah Totajtsi Dios.
8 Porke ne nikijtoa, Cristo owala kemi se tlakéwali para n judíojteh, para mamochiwa tlan Dios okinsentlalili towejkatatawah, iwa ijkó makitakah Dios kichiwa tlan kijtoa.
9 Cristo noiwa owala innawak n tlaltikpaktlakah para makiweyijkachiwakah Dios porke Ye satlawel teiknomati, kemi kijtoa n tiotlajkuíloli: Yika, nimitsmawistilis innawak miaktikeh tlakah non amo judíojteh, iwa niktlakuikilis Motoka para ika nimitsweyilis.
10 Noiwa kijtoa n tiotlajkuíloli: Nomejwah akimeh amo non judíojteh, xipakikah iwan itlaneltokawah Dios.
11 Iwa oksika noiwa kijtoa: Xikweyijkachiwakah Toteko, nochteh akimeh amo judíojteh, iwa nochteh n tlaltikpaktlakah xiktlakuikilikah.
12 Isaías noiwa okijkuilo: Tlakatis se iwejkaixwi n Isaí, ye majkokuis iwa kinnawatis miakeh tlalmeh kan amo judíojteh, iwa yejwah moyolchikajtoskeh ítech.
13 Iwa Dios Akin itech se moyolchikawa, manomechmaka miak pakílistli iwa yolsewílistli ijkuak itech nontlaneltokah, para nontentoskeh ika iweletilis n Espíritu Santo.
