10 Mas juc partichöpis cayno nirmi isquirbiraycan: «May-chay nasyunchöpis tiyaj runacuna Tayta Dios acrashan runacunawan iwal cushicuy-llapa.»
11 Mas juc partichöpis isquirbiraycan: «Nasyuncunacho tiyajcuna, marcacunacho tiyajcuna llapayqui Tayta Diosta alabay.»
12 Profëta Isaiaspis niran: «Tumpuno caycaj Isaïpita mirar aywajpitami yurenga. Llapan nasyun runacunata mandananpämi jatarenga. Mana Israel runacunapis paymanmi yäracongapaj.»
13 Tayta Diosninchi yanapayculläshunqui payman yäracur jucniqui-jucniquipis alli cawanayquipaj, Espíritu Santupa maquincho cawanayquipaj y ñaupanman chayanayquipaj cashanta musyar waran-waran cushisha cawanayquipäpis.
14 Ermänucuna, nogaga sumajmi musyä gamcuna alli shongu cashayquita y Tayta Diospa yachachicuyninta sumaj musyashayquita, jucniqui-jucniquipis shacyächinacuyta yachashayquita.
15 Ichanga cay cartacho gamcunata yarpaycächimö musyashayquicunata mana gonganayquipämi. Chayno niycä willacur purinäpaj cuyapämar churamasha captinmi.
16 Mana Israelcuna-raycumi Jesucristupa alli willacuyninta willacunäpaj churamasha. Cüranömi Tayta Diospa willacuyninta willacuycä. Chaynömi Espíritu Santu paycunata acrasha captin alli ofrendanöpis Tayta Diospaj canga.
17 Chaymi Jesucristo yanapämaptin Tayta Diosninchïpaj imatapis rurasha car cushisha caycä.
