Romanos 11:6-9 in Achi

⁶ Bay, we ile xa rumal i rutzil u cʼux i Dios, n-rumal ta ʼuri i tak i ʼutz quiqui ʼan ique. We ta xqui chʼac i utzil chomal re i Dios ruʼ tak i qui ʼanom ique, n-are ti utzil chomal re i Dios ʼuri chique. Xui-ri, n-queje ti ile; lic are u sipon i Dios chique.

⁷ ¿Wach ʼut? I aj Israel winak n-xqui rik taj wach i xqui tzucuj, xui-ri, je niʼpa ique chi je chatal rumal i Dios, ique xqui riko; i juban, xa ʼani buy chique.

⁸ Xeʼelok pacha cu bij chupam u wuj i Dios; queje iri cu bij: “I Dios xoʼon chique pacha je memernak pa qui nojbal, pa qui cʼux. Xoʼon che i qui baʼwach pacha n-ca tzun taj; xak i qui xiquin, xoʼon pacha tac chique. Queje ile cʼa are ʼo wi woʼor.” (Queje ile tzʼibtalic.)

⁹ Xak i mam David xu bij ujer: I qui nimak tak waʼim quiqui ʼano, chu rika u chac chique chapbal que, chu rika u chac chique tzaksabal que, xak petsabal re i cʼax piquiwi.

⁶ Yey we echaꞌtal ruma ri unimal rutzil ukꞌuꞌx ri Dios, riꞌ na e ta ruma juna chak kiꞌanom rike. Ma we ta e riꞌ, ri unimal rutzil ukꞌuꞌx ri Dios na kajawax taj.

⁷ ¿Saꞌ kꞌu riꞌ ri kaqamaj usukꞌ che waꞌ? Lik e kꞌi chike ri tinamit Israel kꞌamajaꞌ kakiriq ri ketajin lo che utzukuxik, waꞌ e suꞌanik kebꞌuꞌan jusukꞌ chwach ri Dios. Noꞌj ri xeriqow re, e ri echaꞌom chi lo ruma ri Dios. Ekꞌu ri nikꞌaj chik xꞌan pachaꞌ abꞌaj che ri kanimaꞌ.

⁸ Ma e pachaꞌ ri tzꞌibꞌital kan pa Ruchꞌaꞌtem ri Dios: Ri Dios xuꞌan chike pachaꞌ kawar kiwach chwach taq ri karaj Rire; y kꞌa waqꞌij ora tobꞌ ketzuꞌnik, na kakil ta ri kukꞌut ri Dios chikiwach; tobꞌ ketanik, na kakita ta ri kubꞌiꞌij ri Dios chike.

⁹ E pachaꞌ ri xubꞌiꞌij ri David ojertan pakiwi ri tzel xebꞌilow re: Ri nimaq taq nimaqꞌij kakiꞌano, chuꞌana pachaꞌ koꞌk y pachaꞌ raꞌal re ketzaq chupa, y jelaꞌ keyaꞌ pa kꞌaxkꞌobꞌik.

⁶ Yey we echaꞌtal ruma ri unimal rutzil ucꞌuꞌx ri Dios, riꞌ na e ta ruma juna chac quiꞌanom rique. Ma we ta e riꞌ, ri unimal rutzil ucꞌuꞌx ri Dios na cajawax taj.

⁷ ¿Saꞌ cꞌu riꞌ ri cakamaj usucꞌ che waꞌ? Lic e qꞌui chique ri tinamit Israel cꞌamajaꞌ caquirik ri quetajin lo che utzucuxic, waꞌ e suꞌanic quebuꞌan jusucꞌ chwach ri Dios. Noꞌj ri xerikow re, e ri echaꞌom chi lo ruma ri Dios. Ecꞌu ri nicꞌaj chic xꞌan pachaꞌ abaj che ri canimaꞌ.

⁸ Ma e pachaꞌ ri tzꞌibital can pa Ruchꞌaꞌtem ri Dios: Ri Dios xuꞌan chique pachaꞌ cawar quiwach chwach tak ri caraj Rire; y cꞌa wakꞌij ora tob quetzuꞌnic, na caquil ta ri cucꞌut ri Dios chiquiwach; tob quetanic, na caquita ta ri cubiꞌij ri Dios chique.

⁹ E pachaꞌ ri xubiꞌij ri David ojertan paquiwi ri tzel xebilow re: Ri nimak tak nimakꞌij caquiꞌano, chuꞌana pachaꞌ coꞌc y pachaꞌ raꞌal re quetzak chupa, y jelaꞌ queyaꞌ pa cꞌaxcꞌobic.