9 Ilec wenuc minoga, Yuda ngic-ngigac nongilengtibac Grik ngic-ngigac ewalicebagabeleng, me? Yogo miyacbenang. Yuda ngic-ngigac nga Grik ngic-ngigac nongileng yowa yanguc biyac migabac, “Nongileng momochac sasawadi bikicte bagewa gagabeleng.”
10 Ilec yanguc kwelengkeicne fagac, “Monicti dondonne mi gagac, yogo miyacbenang.
11 Ailu monicti ngage-ngage-motockolec mi gagac. Nga monicti Wapong mi basackecaigac, miyac.
12 Yenge sasawadihac Wapongte yefe madicne lobe holecnolu yengileng momochac sowaleicne. Monicti aibaba madicne monic mi aicaigac, yogo miyacbenang.”
13 “Yenge mic-malacngineng yogo dongesi angkeicne ingucne.” “Ailu yenge micnginengti kwesac aicaigaing. Ailu micnginang hemale marasing balu gagaing.”
14 “Yenge micti sawec-yowa mibong, ngage-sowac kwelenginangkocni dac lobelu ofecaigac.”
15 “Ailu yenge ngic-ngigac wecebabong sacngineng wanale biyac hikecaigaing.
16 Ailu yenge yefe hikecaigaing, iwa mac-himong basowalelu ngic-ngigac umacka locebacaigaing.
17 Ngic-ngigac yogo yenge kwele-mogungkolec gagale yefe mi ngagegaing, miyac.”
18 “Ailu yenge Wapongte haicka domalu hangocebame alang bacnoningte monic mi ngagesicaigaing.”
