Roma 2:19-27

¹⁹eo em nuatu adidiri u ene taumatagibugibudi tauwoeaidi ede oa, eo tatao masigiri boeana eai se mia tauhemaradi ede oa,

²⁰tatao supusupudi eo kaimou, oa tauheatadi, laugagaeona eai doha riba mamohoina eo sonoga adi ao ue abi;

²¹oa, tau esau u heata, oabom nige u heatauioim? Oa u guguia tau esau arinai, u ene tabu i aiyahari, oa u aiyahari, e nige’e?

²²Oa u ene tatao tabu se ganaganawari, oa u ganaganawari, e nige’e? Oa oitau u halanuinuiedi wa, numa tabuna ginaurina u abiabi‐gaibuidi, e nige’e?

²³Oa laugagaeona arinai u ribapasipasiuioim, oa laugagaeona u utusi, arinai Eaubada u hebaaea, e nige’e?

²⁴Doha se uriyao, “Paana ede omi, Murimuri‐tataodi boeadi eai Eaubada esana se riba‐baaeaei.”

²⁵Mamohoi ena laugagaeona u sogohididini abo peritome i lolo; na ena laugagaeona u utusi em peritome taba nige peritome, ginauri gaibu mo.

²⁶Arinai ena tatao nige se peritome wa, laugagaeona laulau duduraina se sogohididini, tatao wa nige se heperitomedi wa abo se hemala peritome, e nige’e?

²⁷Tau nige se peritome laugageona i abiwatai, oa abo i hegirum, oa ena laugagaeona u utuutusi, e nige’e?