Roma 16:7-17

⁷Tunang boa-blingin bel kaka Andronikus nol bata Yunia. Oen nam mo atuil Yahudi banansila el au. Oras auk parsai se Kristus lo bii kam, oen parsai se Kristus son. Hmunan nu, oen se bui dalen leo-leo nol au. Oen kon daid Ama Lamtua atulin in nutus, nol atuli mamo taan one.

⁸Tunang boa-blingin bel kaka Ampliatus. Auk namnau una, undeng un butu-kil nol kit Lamtuan na.

⁹Tunang boa-blingin bel kaka Urbanus. Un kon lako-daek Kristus osa la leo-leo nol kami. Tunang boa-blingin bel kaka Stakis man auk in namnau.

¹⁰Tunang boa-blingin bel kaka Apeles. Un tom in sukat mo un nala. Tiata langa son noan un parsai se Kristus baktetebes. Tunang boa-blingin bel kaka Aristobulus nenan nas totoang.

¹¹Tunang boa-blingin bel kaka Herodion. Un atuil Yahudi banansila el au. Tunang boa-blingin bel Narkisus nenan nas totoang, man parsai son se Kristus.

¹²Tunang boa-blingin bel bata Trifena nol bata Trifosa. Oen kon lako-daek kit Lamtuan na osa la. Tunang boa-blingin bel auk tapang, bata Persis. Ta un kon daek mumuun taung kit Lamtuan na.

¹³Tunang boa-blingin bel kaka Rufus. Kit Lamtuan na man huil nal una. Tunang boa-blingin bel un ina ka kon. Ta un nam mo banansila el auk inang esa.

¹⁴Tunang boa-blingin bel kaka Asinkritus, kaka Flegon, kaka Hermes, kaka Patrobas, kaka Hermas, nol totoang kaka-pail man in daad nol one ngas.

¹⁵Tunang boa-blingin bel kaka Filologus, bata Yulia, kaka Olimpas, kaka Nereus nol un bata hmudin na, nol totoang atuil in sarani man leo-leo nol one ngas.

¹⁶Eta mi nakbua lam sium apa mes nol mesa, nini in liki man tom nol atuil in parsai ngas. Kristus jemaat in se nia ngias totoang kon, tunang boa-blingin bel mia.

¹⁷Kaka-pali me! Auk nodan le mi doh babanan, ta muik atuli in le tao bakisan mia, nol kom le kiu nahu mia. Asa man oen in tek mia ka, kisa deng asa man kaim in tui mi son nas. Tiata, boel nakbua nol atuil tuladang ela ngas deken!