5 Pakomostaak abe din odom ay mamati ay matoptopog sin beey da. Ad-ado pay di laydek ay pakomostaan. Di esa et din patpatgek ay gayyem ko ay si Epenetus ay say damo ay namati en Cristo sin probinsiya ay Asia.
6 Di esa abe et si Maria ay palalo di obla na para en dakayo.
7 Pakomostaak abes da Adronicus en Junias ay iib-ak ay Judio ay gagait ko ay balod ed idi. Madamdamag ay aapostol da ay nangon-ona mo sak-en ay namati.
8 Pakomostaak si Ampliatus ay laydelaydek ay gayyem ko begew en Apo Jesus.
9 Siya abe en Urbanus ay makiob-obla en datako ay mansilsilbi en Cristo, ya si Estakis ay patpatgek ay gayyem ko.
