19 É pwa ma tèepaa gooò ê pâ câmu kêe, naa na ê pàtàmara ê Nyuâaê Pwicîri—ê pâ muru na rà pò goo wà tèpa âboro. Â tapoo gée *Iérusaléma, tèepaa naa na ére Illyrie, âna go jèe picémara pitiri ê Picémara Wâdé goo Kériso.
20 Êpwiri ê wakè kôo na dau wâdé tôo—ê pai picémara kôo ê Picémara Wâdé, naa na pâ ére napô, na càra caa mu têre ê popai goo Kériso. Ba câgo caa bari naa gòro ê pàaé na é jèe tòpò pwi jèpwi.
21 Ba go pâra wiâra ê pwina wii naa na Tii Pwicîri pâ: Jèe càra caa têre cè popai gooé; Jèe càcaa piwiâ tàra Picémara Wâdé. Rà mwa cau côoê, ma tâmogòori Pwi Ukai. Ésaïe 52.15
22 Wâru pâ pàara na nümoo na go pâ na caiwà, êco na é ciburà paèrào ê wakè bèepwiri. Â nabàni, âna go jèe tubanabwé ê wakè kôo naa na napô bèeni.
