16 Könaŋini goŋgii maljeaŋgö aiwesökŋini kewö akza: Denike lilikömakzei, miaŋgöreŋ mönö köndeŋ-möndeŋ aketka ambazip uruŋinan böliba kömbuhi-makza.
17 Luainöŋ malmalgö könaŋi mi qahö möt kutum yaköze.
18 Anutu göda qebingö keuŋi mi uruŋine qahö ahöza. Jitŋi oŋgitpinbuköra keŋgötŋini qahö möta önewat laŋ malje.” Anutugöreŋ keu mewö ahöza.
19 Anutunöŋ Köna keu kewögöra neŋgiyök, mi mötzin: Köna keu pakpak miaŋön gölme dop jöhöm neŋgimakza. Nini keu miaŋgö bapŋe anda tem köla malinga dop kölma. Qahö tem kölbin ewö, Anutunöŋ mönö likepŋi meleŋ neŋgii ayuhubin. Miaŋgöra sömbunini möta möndömöndönini mosöta keu bök mala tem köl waŋgiinga dop kölma. Anutunöŋ ambazip könanini mewö indelöha ahöza.
