16 Ra a ser pam asau ra ka nem na pami, i ese i lena a mulaot lena a kum Warkurai anun o God i wakak.
17 I mo ra awu sur iau mo a pam a kum utna ri, awu. A sakino petutna ut ra i laun un iau i pami.
18 A tasmani lena katu wakak na utna kuri i laun un iau. A wasiso lenra una sakino nemnem ina pining. Uni, a nemi ut sur an pam a wakakino, ikut ka pet lar pasi.
19 Uni, ka pam asau ra i wakak, ra a nemi sur an pami. Ikut a sakino petutna ra ka nemi sur an pami, i ra a ser pami.
20 Ra a ser pam asau ra ka nemi sur an pami, awu sur iau mo a pami, a sakino petutna ra i laun un iau, i ser pami.
21 A tama ara ngas na dekdek kuri una nung a nilaun, lenri: Ra a nem na pam a wakakino, a sakino kut i wanpat.
22 Una nuknuking a nem doko a kum Warkurai anun o God.
23 Ikut, una kum du pining a tama i kai ara se ngas na dekdek, ra ke mur a Warkurai anun o God. I waim tomo nama wakak na warkurai kuri una nuknuking, ma i ker ukai iau sur an kis una karabus anun a sakino petutna, ra i ser papam una kum du pining.
24 Iau a pot na marmaris na musano iau! Osi in ulangolango iau gusun a pining ri, ra i wan sur a minat?
25 O God ut. A watung wakak toromi ra i tulu ru o Iesu Karisito anundat a Labino, ra i ulangolango pas iau. I mo ra iau ut, una nuknuking, iau a tene ititula anun a kum Warkurai anun o God, ikut, ra a mur a sakino nemnem ina pining, iau a tene ititula utuntudu ina dekdekin a sakino petutna.
