Rom 4:4-8

⁴Afa el so gafugafegim eso kig fag ehe mas enaig og ka isug fag amo eba heafna ehege pusnanam fag.

⁵Afa aman el so olug onigig nai yi mungo feg afa ehe mas gafugagfeg mo eba ehe ati anwanafeg God amtakwalig elim lahlafenag eso God enaig elni olug onigigim nangunagim eso og ne afsug el.

⁶Afa Devit gaba gwenaig esog elim God so esonig ne afsug el afa ehe nihe mo esig hwainig eba enaig el so ma lahlag augufei. Afa Devit enaig esona;

⁷Afa amangelni amtakwaligim God so wahianigim afa isinig eba enaig el so ma lahlag auguf.

⁸Afa amanna amtakwaligim Ainiyag so mas suwignig mo enaig el eba so ma lahlag auguf.