Men Rom 3:15-26 in Pohnpeian

¹⁵ Nä arail me marara on kamela aramaj;

¹⁶ Nan al arail me dir en jued o mauk;

¹⁷ A al en popol me re jaja;

¹⁸ Re jota kin majak Kot.

¹⁹ A kitail ajaer, me kapun o lolok on, me kin papa kapun pwe au karoj en japaimokid o jappa pon lodi on kadeik en Kot.

²⁰ Ari mon Kot jota uduk me pan pun kila a wiawia kapun, pwe kapun me dip kadiarok kidar;

²¹ A anjau wet pun en Kot janjaledar likin kapun o kadede kidar kapun o jaukop akan.

²² A pun en Kot me pwili jan pojon Iejuj Krijtuj, ap lel on karoj me pojon.

²³ Pwe jota lipilipil, karoj me wiadar dip o jota kak konodi linan en Kot.

²⁴ Irail pan pun kila a mak japan, pweki en Krijtuj Iejuj a kotin dore kitail lar,

²⁵ Me Kot kotin kajanjaledar en wiala mol en kalanan ni pojon nt’a, pwen kajanjaleda a pun ni a kotin lapwada dip en maj akan, me mier pan papadake en Kot.

²⁶ A anjau wet a kotin kadededa a pun. Ieteten, me pein i me pun, ap pan kotin kapunala karoj me pojon Iejuj.

¹⁵ Nä arail me marara ong kamela aramas;

¹⁶ Nan al arail me dir en sued o mauk;

¹⁷ A al en popol me re sasa;

¹⁸ Re sota kin masak Kot.

¹⁹ A kitail asaer, me kapung o lolok ong, me kin papa kapung pwe au karos en sapaimokid o sappa pon lodi ong kadeik en Kot.

²⁰ Ari mon Kot sota uduk me pan pung kila a wiawia kapung, pwe kapung me dip kadiarok kidar;

²¹ A ansau wet pung en Kot sansaledar likin kapung o kadede kidar kapung o saukop akan.

²² A pung en Kot me pwili sang poson Iesus Kristus, ap lel ong karos me poson.

²³ Pwe sota lipilipil, karos me wiadar dip o sota kak konodi lingan en Kot.

²⁴ Irail pan pung kila a mak sapan, pweki en Kristus Iesus a kotin dore kitail lar,

²⁵ Me Kot kotin kasansaledar en wiala mol en kalangan ni poson nt’a, pwen kasansaleda a pung ni a kotin lapwada dip en mas akan, me mier pan papadake en Kot.

²⁶ A ansau wet a kotin kadededa a pung. Ieteten, me pein i me pung, ap pan kotin kapungala karos me poson Iesus.

¹⁵ Re kin mwadang kamadak aramas oh kemehla;

¹⁶ re kin kauwehla wasa koaros me re kin kohla ie.

¹⁷ Re sohte mwahn ese dahkot popohl;

¹⁸ re pil sohte ese duwen lemmwiki Koht.”

¹⁹ Eri, kitail eseier me audepen Kosonnedo koaros kin doakedoake irail kan me momour pahn Kosonnedo, pwe en irehdihsang aramas koaros peikidparail oh kihong sampah pwon pahn sapwellimen Koht kadeik.

²⁰ Pwehki sohte aramas emen me kak pwungkihla rehn Koht eh kin kapwaiada audepen Kosonnedo. A ihete me Kosonnedo kin wia; e kin kasalehiong aramas me e dipadahr.

²¹ Eri, met Koht ketin kasalehiong aramas akan duwen eh kin ketin kapwungala aramas reh, oh e sohte mwahn pidada kosonned. Ahpw Kosonnedo oh pil soukohp ako kadehdedahr duwe:

²² Koht kin ketin kapwungala aramas akan mwohn silangi sang ni arail kin pwoson Sises Krais. Koht kin ketin wia met ong irail koaros me kin pwoson Krais, pwe aramas koaros duwepenehte:

²³ aramas koaros wiadahr dihp, oh irail koaros dohsangehr sapwellimen Koht lingan me e kin ketikihong aramas.

²⁴ Eri, sang ni kupwurkalahngan oh sapan en Koht, irail koaros kin pwungla reh pwehki Krais Sises me kin ketin kamaiauwihirailda.

²⁵ Koht ketin kupwurehda pwe Krais en ketin meirongkihla pein ih pwe eh pwoula en wiahla meirong ehu mehn lapwahda dipen aramas akan, sang ni arail kin pwoson. Koht ketin wiahda meirong wet pwe en ketin kasalehda duwen eh kin kapwungala aramas akan mwohn silangi. Keilahn ahio, Koht kin ketin kanengamah oh pil kin ketin pohnsehse dipen aramas akan;

²⁶ ahpw ahnsou wet, e kin ketin tehk oh pohnese dipen aramas akan pwe en kasalehda me pein ih me kin ketin kapwungala aramas akan mwohn silangi. Ni ire wet Koht ketin kasalehda duwen eh pwung oh duwen eh kin ketin kapwungala aramas koaros me kin pwoson Sises.

¹⁵ Re kin mwadang kamadak aramas oh kemehla;

¹⁶ re kin kauwehla wasa koaros me re kin kohla ie.

¹⁷ Re sohte mwahn ese dahkot popohl;

¹⁸ re pil sohte ese duwen lemmwiki Koht.”

¹⁹ Eri, kitail eseier me audepen Kosonnedo koaros kin doakedoake irail kan me momour pahn Kosonnedo, pwe en irehdihsang aramas koaros peikidparail oh kihong sampah pwon pahn sapwellimen Koht kadeik.

²⁰ Pwehki sohte aramas emen me kak pwungkihla rehn Koht eh kin kapwaiada audepen Kosonnedo. A ihete me Kosonnedo kin wia; e kin kasalehiong aramas me e dipadahr.

²¹ Eri, met Koht ketin kasalehiong aramas akan duwen eh kin ketin kapwungala aramas reh, oh e sohte mwahn pidada kosonned. Ahpw Kosonnedo oh pil soukohp ako kadehdedahr duwe:

²² Koht kin ketin kapwungala aramas akan mwohn silangi sang ni arail kin pwoson Sises Krais. Koht kin ketin wia met ong irail koaros me kin pwoson Krais, pwe aramas koaros duwepenehte:

²³ aramas koaros wiadahr dihp, oh irail koaros dohsangehr sapwellimen Koht lingan me e kin ketikihong aramas.

²⁴ Eri, sang ni kupwurkalahngan oh sapan en Koht, irail koaros kin pwungla reh pwehki Krais Sises me kin ketin kamaiauwihirailda.

²⁵ Koht ketin kupwurehda pwe Krais en ketin meirongkihla pein ih pwe eh pwoula en wiahla meirong ehu mehn lapwahda dipen aramas akan, sang ni arail kin pwoson. Koht ketin wiahda meirong wet pwe en ketin kasalehda duwen eh kin kapwungala aramas akan mwohn silangi. Keilahn ahio, Koht kin ketin kanengamah oh pil kin ketin pohnsehse dipen aramas akan;

²⁶ ahpw ahnsou wet, e kin ketin tehk oh pohnese dipen aramas akan pwe en kasalehda me pein ih me kin ketin kapwungala aramas akan mwohn silangi. Ni ire wet Koht ketin kasalehda duwen eh pwung oh duwen eh kin ketin kapwungala aramas koaros me kin pwoson Sises.