10 Capathai chung letah, “Mehding pakheh hmai ung bei he.
11 A hnihthaipaw pakheh hmai ung bei he, Khazing a huipaw ahohmai ung bei he. Khazing a huipaw ahohmai ung bei he.
12 Mehnung vytei cawh lang pave thah he ka, aa zongming teitah hmokheh tah mai hnui ly a cang he. Chahnah a tuapaw ahohmai ung bei he, pakheh tei hmai ung bei he.”
13 “Aa rong sahlo cawh kha lypaw athlai hratah cang ka, aa lui sahlo cawh dungkheinah tah aa hmang,” “Aa hmo sahlo taitah pari cangmai sichia a pia.”
14 “Aa hmokaw cawh chiasahnah le biachia biahru long teitah a chih.”
15 “Male thisai va chua leco a catlei ngetei he.
16 Aa seinahpaw langpui maikaw letah rorangnah le male lungsawnah aa va tua lai.
17 Denah langpui khah hnih bei he.”
18 “Aa mehhme letah Khazing cizawnah zong khah ung be,” tatah a tahpaw hrakhei a cang.
19 Phungbia tei a reipaw cawh phungbia rai letei a ungpaw he aa cawtah a reipaw a cang, takhah kaa hni. Ma hratei a cangpaw cawh ming vytei tah thai aa cangnah bia zehmai rei ruapaw aa hnui ly nápaw le khazaw pungpaluh heh Khazing biacenah hme letah a daw a takhah a lang khy nápaw cawtah a cang.
20 Macawtaco phungbia zuinah thongtah ahohmai Khazing hme letah thai a cangsah khypaw ung bei he. Phungbia tei a reipaw cawh aa suanah hnisah khah a cang thlang.
21 Canghrasala atoheh cawh phungbia thongtah cang khawh lytah Khazing dingnah cawh a langsah myca. Ma cawh phungbia le Khazing khuavang sahlo tah ahmang tatei aa tahpaw khah a cang.
22 Zisu Khri zingnah thongtah Khazing taitei dingnah cawh zingtu vytei cung letah a va chuh. Patliapatlanah zehmai ung be,
23 zecawtamaw tatah ming vytei cawh a suapaw longtei cang he peh ka, Khazing rungnawnah khah phah khy tlang bei peh.
24 Taico kaaning kaa suanah taitah a ma tlangtu Khri Zisu ningdonah thongtah mai lytah thai a ma cangsah.
25 Zisu Khri cawh Khazing tah thisai tah ngethainah a tuatu ruapaw tah a tingpaw cang ka, ma ngethainah cawh Zisu Khri zingnah thongtah hmuh ruapaw a cang. Khazing tah ma a tuapaw cawh a dingnah palangnah cawtah a cang zecawtamaw tatah alungsynah tah khahlai tei za tuapaw suanah sahlo khah dangtah lytah a seisai he.
26 Taico ato cai leco a dingpaw Khazing a cang zia khah a langsah ka, Zisu Khri a zingpaw maikaw khah thai a cangsah he.
