10 Ŋgoreiya Buk Boboma le utuutu, iŋa: “Ma lolo regha i rumwaru, nandere moli.
11 Ma raghareghare regha inawe, ma regha i tamweya Loi.
12 Taulaghɨke kaero thɨ ndeghereiyewana Loi, kaero thɨ tabona bigi bwagabwaga. Ma tembe reghava i vakavakatha thovuye ghakamwathɨ, nandere moli.”
13 “I raŋgima e ghaenjiko ŋgoreiya thɨ tɨghɨra ghabubu, Maminjiko mbe i utu kwanɨkwan eŋge na utuutu i dobu e ghaenjiko njimwae ŋgoreiya mwata mamate i gharɨinda.”
14 “Utu raraitharɨ na thɨghɨya utuutuniye i riyevanjara ghaenjiko.”
