5 Má boh tám ruruna di lu hut talum suri lotu i kándiar rum, iau nas pas di mul. Má mulán kálámul i balis á Esiá a ruruna i Karisito, lain turang ái Epinitus, ái mul iau árár pasi.
6 Lain nas ur si Maria, koner ákte lala him rakrakai suri tangan gam.
7 Ái Adoronikus mái Iunias, gimtul no kakun Iudáiá má diar mulán ruruna i iau, má tungu gimtul kis tiklik i rumán batbat kalar. Boh tám ruruna di lala mánán i diar má rumrum i diar kabin suri kándiar him mai lain arbin. Iau tarwai kak lain nas ur si diar.
8 Má iau árár pas Ampiliatus, ái lain turang má giur no káián ái Konom.
9 Iau tarwai kak lain nas narsá Urbanus, ái giur him tiklik sur Karisito. Má kak lain nas mul uri narsán lain turang ái Sitakis.
