Rom 16:5-9

⁵Muat na haatne mah ira matanaiabar na lotu ing diet la hanuat hurlungen kaia tano udir hala. Muat na haatne leh mah no nugu bilai na harwis Epainetus nong ga huna lilik pukus taar ta Krais kaia ta diet tano hanuo Esia.

⁶Muat na haatne leh Maria nong ga manga papalim dadas uta muat.

⁷Muat na haatne leh mah Andaronikus ma Iunias ira iruo hinsakagu, dir ing dir ga kis tika ma iau tano hala na harpidanau. Ma ta diet ing di tule diet wara hinahaan ma no tahut na hinhinawas, ira matanaiabar diet manga ru dir. Ma dir ga huna kis narako ta Krais nalua tagu.

⁸Muat na haatne leh Ampiliatus no nugu bilai na harwis tano udahat kinkinis narako tano Watong.

⁹Muat na haatne leh mah Urbanus nong i la paapalim tika ma dahat wara gaie Krais, ma muat na gil huo mah taar tano nugu bilai na harwis Sitakis.