8 Eu. Mrlz nzxpe-krbzmu mz leplz da amrlx kcng tqrlxtibzmu badr. A' nakrlz-zpwxamu kx rblx nzxpe-krbzmu da mz Gct mz nzayzlu-krbzmu nivz lrde. Delc navz zvz nzmrlzti-lzbq-krmu. Murde nzale-krmu da lc atutrle natq amrlx kcng tqkapx Loukxtr.
9 Natq lcng nzrpilr kx, “Bzkq rmwimiq doa kx trngiu krnalzm. Bzkq rnibqq leplz. Bzkq pnaq da. Bzkq rkcmnz-ngrn,” x kzdung kz da mou. A' natq lcng amrlx nzaxvctr-lxblrbzng mz natq kc esz' tqrpile kx, “Namrlztiq kztemqng da kc tqwaiq nzmrlzti-lzbq-krm.”
10 Nzmrlzti-krmu leplz drtwr ngrde kx bzkq aleamu da kx na-atrkatile nidr. Mz nzmu-krde lcde, nivz ngi lrpzki nzvz-nqblqngr Loukxtr amrlx.
11 Nzmnc-krmu natubq, mz nzkrlz-krmu kx ycpe pipz nzyzlu-krm Jiszs mz nzvzmi-krde nigu Heven. Mz nzmu-krde lcde, bzkq amaamu, a' nawz-katopeamu mz nzwzngr kc tqkabz Kxetu bamu mzli ka tqyc-ngrbepz mzli. X bzkq vz-nqblq-zvzamu da kxtrka, a' vz-nqblq-alzuamu nzalvztrngr angidr.
