6 Uŋun pi kɨnda awit do aŋek dɨma manjɨgɨt, uŋun nandaŋ yawok yomɨŋek ɨsalsi manjɨgɨt. Uŋun pi kɨnda aŋakwa manjɨgɨt tam, uŋun da nandaŋ yawotsi dɨma asak.
7 Yaŋdo, niaŋ yoneŋ? Israel amɨn Piŋkop da dabɨlon kɨlek tok do pi tebaisi awit, mani dɨma kɨlek tawit. Piŋkop da amɨn dɨwarɨ baŋgɨn manjɨŋban uŋun dagɨn kɨlek tawit. Aŋakwan dɨwarɨ Piŋkop da but yomani sopmaŋ yomgut.
8 Piŋkop gen papia da uŋun do yaŋ yosok: “Piŋkop da nandak nandakni paŋupbal aban upbal tawit, ae dabɨlɨ sopban yo dɨma pɨndarɨ awit, ae mɨrakni sopban yo dɨma nandawit. Piŋkop da yaŋ agɨt da abɨsok yaŋ gɨn egɨ aŋaŋ obaŋ.”
9 Kalɨp Dewit da uŋun do yaŋ yagɨt: “Uŋun jap noknok aŋek kɨsɨk kɨsɨk aŋ, mani gak da yokwi awit dakon kobogɨ do paron yopbɨ yokwalni, ae gapmakon moni, ae kosiron tɨpmon kandapni tɨdoni dosi nandɨsat.
