Rom 11:29-35 in Yessan-Mayo

²⁹ God re wuribai pes be tetane. Reri kenen tatame, re remne yenbo nente wem, re remne etop nente.

³⁰ Kem Juda bo tatame, kiyi kem God rene mangure tebem. Gwopte God re kemne pap metbo. Israel etem rem mangure tebo, eker God re kemne pap metbo.

³¹ Etopwou sene tete. God re kemne pap metbo, eker Israel rem mangure tebo. Opkap God re Israel remne pap kirkir mette tetane.

³² God re wemke, aboyei tatame rem tuma biragiyebo wuleri kulke tem. Opkap, re remne aboyei pap mette.

³³ God reri pap metbo wule et yenbosubuwai. Reri wuribai purere et bukrewai. Tame wuri re God reri wuribai mapurke sanetene! Tame wuri re God reri nenbokap kebese be mettene!

³⁴ God Reri Siglow tuma op webo. Yike rem Haneyen reri wuribai latene? Yike rene purere lei kebese newote?

³⁵ Yike rene wos newom, opkap re wos sein sene newote? Bupo sekenewai.

²⁹ God ere tatame etemken namderasem tuma ere etep tete nenbe. Ere emne kenete wom o emne noub nente wom, ere etep tete nenbe. Ere akeite wos beke kip nen.

³⁰ Kem Israel berai tatame, kiyi kem God eteri tuma beke met. Gwopte Israel etem, eme God eteri tuma beke met. Eme etep tebe, God ere keremne pap yewobe.

³¹ Gwopte Israel eme God eri tuma beke met. Gwopte God ere keremne pap yewobe. Yuri God ere Israel emne kir pap yewote. God ere kemne pap yewobekap, ere emne kir pap yewote.

³² God ere akei tatame emne selpap yaper newom, eme eteri tuma beke met. Etepkap, ere emne akei pap yewote.

³³ Oiya. God eteri wos yenbowai e nogwapesubuwai. Eri selpap eri porere e eisauwai. Ere akei wos metten. Eike tame God eteri selpap wusoute? Beraiwai. Eike tame God ere nenbekap kuyese late? Beraiwai.

³⁴ Eike tame eme Aneyen eteri selpap lam? Berai. Eike tame ere erne porere newom? Berai.

³⁵ Eike tame ere God erne wos newom, sene God ere erne awosein newote? Beraiwai.