5 Moses ga malagan levelinga mumu langas ti lox anmanton limixin keneng at lorongtonga res at Laulis Linga, ni ga lok keretna, “Nege do i mumu asu levempanga Laulis Linga i tong i, neni naba lox epovo axav i ri roo su ren.”
6 Ketla anaa levelinga i paase mumu langas ti lox anmanton tino limixin at lemeren at ne Moroa mi lununu. “Nemen gat uguta doma raba u mi lususue do, ‘Nege naba urut uto vana at laxalibet?’” (kusu ti lok ka ne Karisito ude xopok.)
7 La i paase bok keretna, “Nemen gat uguta lok bok do, ‘Nege naba si uto xopok at lemenemen at labarongan?’” (kusu ti lox asu ne Karisito basinge limixin diga met pam.)
8 Ketla Lovoang Kaala i lok keretna, “Levelinga at ne Moroa mo ik lok saparap nimi, nom ik lok at levenbulubun atnimi la no xeneng bok at levempeve atnimi.” Neni na, levelinga at lununu nema ma vavang min.
9 Do mina vaase asu mi levenbulubun atnimi do ne Iesu ni Leeme Silok, la mina nunu mi lebelen nimi axap do ne Moroa ga lox aroo amlong ne Iesu at lanmet, nemi minaba roo su.
10 Kuren la nemi do mina nunu mi lebelen nimi axap, nemi minaba sepmus. La do mina vaase asu i mi levenbulubun atnimi, minaba roo su.
11 Lovoang Kaala i vaase i xeretna, “Do nege do i nunu ren, neni noxo doma saasaa.”
12 Anaa levelinga i vung kimit limixin axap, atla kopmen tevereven petpes kantubu at limixin me Judaia la limixin kopmen di me Judaia. Moroa xusuk mun legese Eme Silok atnedik axap, la ik lox anarong aleng nedi di ngising ti loklok tooro boro ren.
13 I ngan levelinga at Lovoang Kaala i vaase xeretna, “Limixin axap di toro ke at laasen at Leeme Silok, dinaba roo su.”
14 Ketla dinaba sing kereva do nedi xovisi dina nunu? La dinaba nunu xereva do nedi xovisi dina ronga xaka levelinga? La dinaba ronga ka tavanga salai do kovisi tara na vaase asu tevelinga ridi?
