چۆل‭-‬باياۋاندىكى‭ ‬سەپەر 13:1-24 in Uighur

¹ پەرۋەردىگار مۇساغا سۆز قىلىپ‫‪:‬‬ —

² مەن ئىسرائ‍ىللارغا مىراس قىلىپ بەرگەن قانائان زېمىنىنى چارلاپ كېلىشكە ئادەملەرنى ئەۋەتكىن؛ ھەربىر ئاتا جەمەتكە تەۋە قەبىلىدىن بىردىن ئادەم چىقىرىلسۇن، ئۇلار ئۆز قەبىلىسىدىكى ئەمىر بولسۇن، — دېدى.

³ مۇسا پەرۋەردىگارنىڭ ئەمرى بويىچە، ئۇلارنى پاران چۆلىدىن يولغا سالدى؛ ئۇلارنىڭ ھەممىسى ئىسرائ‍ىللارنىڭ باشلىرى ئىدى.

⁴ تۆۋەندىكىلەر ئۇلارنىڭ ئىسىملىرى‫‪:‬‬ — رۇبەن قەبىلىسىدىن زاككۇرنىڭ ئوغلى شاممۇيا،

⁵ شىمېئون قەبىلىسىدىن خورىنىڭ ئوغلى شافات،

⁶ يەھۇدا قەبىلىسىدىن يەفۇننەھنىڭ ئوغلى كالەب،

⁷ ئىسساكار قەبىلىسىدىن يۈسۈپنىڭ ئوغلى ئىگال،

⁸ ئەفرائىم قەبىلىسىدىن نۇننىڭ ئوغلى ھوشىيا،

⁹ بىنيامىن قەبىلىسىدىن رافۇنىڭ ئوغلى پالتى،

¹⁰ زەبۇلۇن قەبىلىسىدىن سودىنىڭ ئوغلى گاددىيەل،

¹¹ يۈسۈپ قەبىلىسىدىن، يەنى ماناسسەھ قەبىلىسىدىن سۇسىنىڭ ئوغلى گاددى،

¹² دان قەبىلىسىدىن گىماللىنىڭ ئوغلى ئاممىيەل،

¹³ ئاشىر قەبىلىسىدىن مىكائىلنىڭ ئوغلى سەتۇر،

¹⁴ نافتالى قەبىلىسىدىن ۋوفسىنىڭ ئوغلى ناھبى،

¹⁵ گاد قەبىلىسىدىن ماكىنىڭ ئوغلى گېئۇئەل.

¹⁶ مانا بۇلار مۇسا چارلاپ كېلىڭلار دەپ قانائان زېمىنىغا ئەۋەتكەن ئادەملەرنىڭ ئىسمى. مۇسا نۇننىڭ ئوغلى ھوشىيانى يەھوشۇيا دەپ ئاتىدى.

¹⁷ مۇسا ئۇلارنى چارلاپ كېلىشكە قانائانغا سەپەرۋەر قىلىپ‫‪:‬‬ — سىلەر مۇشۇ يەردىن نەگەۋ چۆلى تەرەپكە قاراپ مېڭىڭلار، ئاندىن تاغلىق رايونغا چىقىڭلار.

¹⁸ ئۇ يەرنىڭ قانداق ئىكەنلىكىنى، ئۇ يەردىكىلەرنىڭ كۈچلۈك‫‪‎-‎‬‬ئاجىزلىقىنى، ئاز ياكى كۆپلۈكىنى كۆرۈپ بېقىڭلار؛

¹⁹ ئۇلار تۇرۇۋاتقان يەرنىڭ قانداق ئىكەنلىكىنى، ياخشى‫‪‎-‎‬‬يامانلىقىنى كۆرۈڭلار؛ ئۇلار تۇرۇۋاتقان شەھەرلەرنىڭ قانداق ئىكەنلىكىنى، بارگاھلىق شەھەر ياكى سېپىل‫‪‎-‎‬‬قەلئەلىك شەھەر ئىكەنلىكىنى؛

²⁰ ئۇ يەرنىڭ مۇنبەت ياكى مۇنبەتسىز ئىكەنلىكىنى، دەل‫‪‎-‎‬‬دەرەخلىرىنىڭ بار‫‪‎-‎‬‬يوقلۇقىنى كۆرۈپ كېلىڭلار. يۈرەكلىكرەك بولۇپ، مېۋە‫‪‎-‎‬‬چىۋىلىرىدىن ئالغاچ كېلىڭلار، — دېدى. بۇ چاغ دەل ئۈزۈم پىشىپ قالغان ۋاقىت ئىدى.

²¹ ئۇلار شۇ تەرەپلەرگە چىقىپ، زېمىننى زىن چۆلىدىن تارتىپ تاكى ھامات ئېغىزىنىڭ يېنىدىكى رەھوبقىچە بېرىپ چارلاشتى.

²² ئۇلار جەنۇب تەرەپتە ھېبرونغا باردى، ئۇ يەرلەردە ئاناقىيلارنىڭ ئەۋلادلىرىدىن ئاھىمان، شىشاي، تالماي دېگەنلەر ئولتۇرۇشلۇق ئىدى. ئەسلىدە ھېبرون شەھىرى مىسىردىكى زوئان شەھىرىدىن يەتتە يىل ئىلگىرى ياسالغانىدى.

²³ ئۇلار «ئەشكول جىلغىسى»غا كەلدى، ئۇ يەردە بىر ساپ ئۈزۈمى بار بىر ئۈزۈم شېخىنى كېسىپ، بىر بالداققا ئېسىپ ئىككى ئادەمگە كۆتۈرگۈزۈپ ماڭدى؛ ئۇلار ئازراق ئانار بىلەن ئەنجۈرمۇ ئېلىپ قايتىپ كەلدى.

²⁴ ئىسرائ‍ىللار شۇ يەردە كېسىۋالغان ئەشۇ ئۈزۈم سەۋەبىدىن ئۇ يەر «ئەشكول جىلغىسى» ‹«ئۈزۈم ساپىقى جىلغىسى»› دەپ ئاتالدى.

¹ Андин кейин хәлиқ Һазироттин йолға чиқип, Паран чөлидә баргаһ қурди.

² Пәрвәрдигар Мусаға сөз қилип: —

³ Мән Исраилларға мирас қилип бәргән Қанаан зиминини чарлап келишкә адәмләрни әвәткин; һәр бир ата җәмәткә тәвә қәбилидин бирдин адәм чиқирилсун, улар өз қәбилисидики әмир болсун, — деди.

⁴ Муса Пәрвәрдигарниң әмри бойичә, уларни Паран чөлидин йолға салди; уларниң һәммиси Исраилларниң башлири еди.

⁵ Төвәндикиләр уларниң исимлири: — Рубән қәбилисидин Заккурниң оғли Шаммуя,

⁶ Шимеон қәбилисидин Хориниң оғли Шафат,

⁷ Йәһуда қәбилисидин Йәфуннәһниң оғли Каләб,

⁸ Иссакар қәбилисидин Йүсүпниң оғли Игал,

⁹ Әфраим қәбилисидин Нунниң оғли Һошия,

¹⁰ Бинямин қәбилисидин Рафуниң оғли Палти,

¹¹ Зәбулун қәбилисидин Содиниң оғли Гаддийәл,

¹² Йүсүп қәбилисидин, йәни Манассәһ қәбилисидин Сусиниң оғли Гадди,

¹³ Дан қәбилисидин Гималлиниң оғли Аммийәл,

¹⁴ Ашир қәбилисидин Микаилниң оғли Сәтур,

¹⁵ Нафтали қәбилисидин Вофсиниң оғли Наһби,

¹⁶ Гад қәбилисидин Макиниң оғли Геуәл.

¹⁷ Мана булар Муса чарлап келиңлар дәп Қанаан зиминиға әвәткән адәмләрниң исми. Муса Нунниң оғли Һошияни Йәһошуя дәп атиди.

¹⁸ Муса уларни чарлап келишкә Қанаанға сәпәрвәр қилип: — Силәр мошу йәрдин Нәгәв чөли тәрәпкә қарап меңиңлар, андин тағлиқ районға чиқиңлар.

¹⁹ У йәрниң қандақ екәнлигини, у йәрдикиләрниң күчлүк-аҗизлиғини, аз яки көплүгини көрүп беқиңлар;

²⁰ улар туруватқан йәрниң қандақ екәнлигини, яхши-яманлиғини көрүңлар; улар туруватқан шәһәрләрниң қандақ екәнлигини, баргаһлиқ шәһәр яки сепил-қәлъәлик шәһәр екәнлигини;

²¹ у йәрниң мунбәт яки мунбәтсиз екәнлигини, дәл-дәрәқлириниң бар-йоқлуғини көрүп келиңлар. Жүрәкликрәк болуп, мевә-чивилиридин алғач келиңлар, — деди. Бу чағ дәл үзүм пишип қалған вақит еди.

²² Улар шу тәрәпләргә чиқип, зиминни Зин чөлидин тартип таки Һамат еғизиниң йенидики Рәһобқичә берип чарлашти.

²³ Улар җәнуп тәрәптә Һебронға барди, у йәрләрдә Анақийларниң әвлатлиридин Аһиман, Шишай, Талмай дегәнләр олтиришлиқ еди. Әслидә Һеброн шәһири Мисирдики Зоан шәһиридин йәттә жил илгири ясалған еди.

²⁴ Улар «Әшкол җилғиси»ға кәлди, у йәрдә бир сап үзүми бар бир үзүм шехини кесип, бир балдаққа есип икки адәмгә көтәргүзүп маңди; улар азрақ анар билән әнҗирму елип қайтип кәлди.

¹ Perwerdigar Musagha söz qilip: —

² Men Israillargha miras qilip bergen Qanaan zéminini charlap kélishke ademlerni ewetkin; herbir ata jemetke tewe qebilidin birdin adem chiqirilsun, ular öz qebilisidiki emir bolsun, — dédi.

³ Musa Perwerdigarning emri boyiche, ularni Paran chölidin yolgha saldi; ularning hemmisi Israillarning bashliri idi.

⁴ Töwendikiler ularning isimliri: — Ruben qebilisidin Zakkurning oghli Shammuya,

⁵ Shiméon qebilisidin Xorining oghli Shafat,

⁶ Yehuda qebilisidin Yefunnehning oghli Kaleb,

⁷ Issakar qebilisidin Yüsüpning oghli Igal,

⁸ Efraim qebilisidin Nunning oghli Hoshiya,

⁹ Binyamin qebilisidin Rafuning oghli Palti,

¹⁰ Zebulun qebilisidin Sodining oghli Gaddiyel,

¹¹ Yüsüp qebilisidin, yeni Manasseh qebilisidin Susining oghli Gaddi,

¹² Dan qebilisidin Gimallining oghli Ammiyel,

¹³ Ashir qebilisidin Mikailning oghli Setur,

¹⁴ Naftali qebilisidin Wofsining oghli Nahbi,

¹⁵ Gad qebilisidin Makining oghli Géuel.

¹⁶ Mana bular Musa charlap kélinglar dep Qanaan zéminigha ewetken ademlerning ismi. Musa Nunning oghli Hoshiyani Yehoshuya dep atidi.

¹⁷ Musa ularni charlap kélishke Qanaan'gha seperwer qilip: — Siler mushu yerdin Negew chöli terepke qarap ménginglar, andin taghliq rayon'gha chiqinglar.

¹⁸ U yerning qandaq ikenlikini, u yerdikilerning küchlük-ajizliqini, az yaki köplükini körüp béqinglar;

¹⁹ ular turuwatqan yerning qandaq ikenlikini, yaxshi-yamanliqini körünglar; ular turuwatqan sheherlerning qandaq ikenlikini, bargahliq sheher yaki sépil-qelelik sheher ikenlikini;

²⁰ u yerning munbet yaki munbetsiz ikenlikini, del-derexlirining bar-yoqluqini körüp kélinglar. Yüreklikrek bolup, méwe-chiwiliridin alghach kélinglar, — dédi. Bu chagh del üzüm piship qalghan waqit idi.

²¹ Ular shu tereplerge chiqip, zéminni Zin chölidin tartip taki Hamat éghizining yénidiki Rehobqiche bérip charlashti.

²² Ular jenub terepte Hébron'gha bardi, u yerlerde Anaqiylarning ewladliridin Ahiman, Shishay, Talmay dégenler olturushluq idi. Eslide Hébron shehiri Misirdiki Zoan shehiridin yette yil ilgiri yasalghanidi.

²³ Ular «Eshkol jilghisi»gha keldi, u yerde bir sap üzümi bar bir üzüm shéxini késip, bir baldaqqa ésip ikki ademge kötürgüzüp mangdi; ular azraq anar bilen enjürmu élip qaytip keldi.

²⁴ Israillar shu yerde késiwalghan eshu üzüm sewebidin u yer «Eshkol jilghisi» («üzüm sapiqi jilghisi») dep ataldi.

¹ Pǝrwǝrdigar Musaƣa sɵz ⱪilip: —

² Mǝn Israillarƣa miras ⱪilip bǝrgǝn Ⱪanaan zeminini qarlap kelixkǝ adǝmlǝrni ǝwǝtkin; ⱨǝrbir ata jǝmǝtkǝ tǝwǝ ⱪǝbilidin birdin adǝm qiⱪirilsun, ular ɵz ⱪǝbilisidiki ǝmir bolsun, — dedi.

³ Musa Pǝrwǝrdigarning ǝmri boyiqǝ, ularni Paran qɵlidin yolƣa saldi; ularning ⱨǝmmisi Israillarning baxliri idi.

⁴ Tɵwǝndikilǝr ularning isimliri: — Rubǝn ⱪǝbilisidin Zakkurning oƣli Xammuya,

⁵ Ximeon ⱪǝbilisidin Horining oƣli Xafat,

⁶ Yǝⱨuda ⱪǝbilisidin Yǝfunnǝⱨning oƣli Kalǝb,

⁷ Issakar ⱪǝbilisidin Yüsüpning oƣli Igal,

⁸ Əfraim ⱪǝbilisidin Nunning oƣli Ⱨoxiya,

⁹ Binyamin ⱪǝbilisidin Rafuning oƣli Palti,

¹⁰ Zǝbulun ⱪǝbilisidin Sodining oƣli Gaddiyǝl,

¹¹ Yüsüp ⱪǝbilisidin, yǝni Manassǝⱨ ⱪǝbilisidin Susining oƣli Gaddi,

¹² Dan ⱪǝbilisidin Gimallining oƣli Ammiyǝl,

¹³ Axir ⱪǝbilisidin Mikailning oƣli Sǝtur,

¹⁴ Naftali ⱪǝbilisidin Wofsining oƣli Naⱨbi,

¹⁵ Gad ⱪǝbilisidin Makining oƣli Geuǝl.

¹⁶ Mana bular Musa qarlap kelinglar dǝp Ⱪanaan zeminiƣa ǝwǝtkǝn adǝmlǝrning ismi. Musa Nunning oƣli Ⱨoxiyani Yǝⱨoxuya dǝp atidi.

¹⁷ Musa ularni qarlap kelixkǝ Ⱪanaanƣa sǝpǝrwǝr ⱪilip: — Silǝr muxu yǝrdin Nǝgǝw qɵli tǝrǝpkǝ ⱪarap menginglar, andin taƣliⱪ rayonƣa qiⱪinglar.

¹⁸ U yǝrning ⱪandaⱪ ikǝnlikini, u yǝrdikilǝrning küqlük-ajizliⱪini, az yaki kɵplükini kɵrüp beⱪinglar;

¹⁹ ular turuwatⱪan yǝrning ⱪandaⱪ ikǝnlikini, yahxi-yamanliⱪini kɵrünglar; ular turuwatⱪan xǝⱨǝrlǝrning ⱪandaⱪ ikǝnlikini, bargaⱨliⱪ xǝⱨǝr yaki sepil-ⱪǝlǝlik xǝⱨǝr ikǝnlikini;

²⁰ u yǝrning munbǝt yaki munbǝtsiz ikǝnlikini, dǝl-dǝrǝhlirining bar-yoⱪluⱪini kɵrüp kelinglar. Yürǝklikrǝk bolup, mewǝ-qiwiliridin alƣaq kelinglar, — dedi. Bu qaƣ dǝl üzüm pixip ⱪalƣan waⱪit idi.

²¹ Ular xu tǝrǝplǝrgǝ qiⱪip, zeminni Zin qɵlidin tartip taki Ⱨamat eƣizining yenidiki Rǝⱨobⱪiqǝ berip qarlaxti.

²² Ular jǝnub tǝrǝptǝ Ⱨebronƣa bardi, u yǝrlǝrdǝ Anaⱪiylarning ǝwladliridin Aⱨiman, Xixay, Talmay degǝnlǝr olturuxluⱪ idi. Əslidǝ Ⱨebron xǝⱨiri Misirdiki Zoan xǝⱨiridin yǝttǝ yil ilgiri yasalƣanidi.

²³ Ular «Əxkol jilƣisi»ƣa kǝldi, u yǝrdǝ bir sap üzümi bar bir üzüm xehini kesip, bir baldaⱪⱪa esip ikki adǝmgǝ kɵtürgüzüp mangdi; ular azraⱪ anar bilǝn ǝnjürmu elip ⱪaytip kǝldi.

²⁴ Israillar xu yǝrdǝ kesiwalƣan ǝxu üzüm sǝwǝbidin u yǝr «Əxkol jilƣisi» («üzüm sapiⱪi jilƣisi») dǝp ataldi.