3 Tama nu koma ko giriso ale kager kari memek nu ilak barimawara mu suen la nunga kai saposo.
4 Nu pure nikim beteso se ali lilim la awote kaposo; se ali lilim arigiso ale uririkiso.
5 Yawe mu nu ali sor suen la ko Kari Biya, se duruk bibiya mu nu koma te parasa kapasan.
6 Taiti gomang mu noko munan ningo diram mu ko balu pagaruwoso, se kariimet sor suen la te mu noko nikinang biya mu arigisan.
7 Kariimet awiriya kaem kawel nunup patawuwasan mu dolomonko; nuna kuar anapeya te nunumi patawuwasan mu dolomonko; mu awuk, kaem kawel suen la mu Kari Biya koma te nubugura kulukurmonko.
8 Zion ko kariimet mu owore iki gilingiman ale amilmilasan, se Judah ko wonong suen la mu agotala ko amilmilasan, mu awuk, nuna nika tutera ko munan ninguru ko kuesan.
