3 Ya SOMOL e ba Got ni gubin ma rayag rok, ir ba pilung nib gel ngak urngin e pi got.
4 Ir e be gagiyegnag e fayleng ni polo’, ni mus ngalan e tin th’abi toar e yiy nge mada’ ko tin th’abi tolang e burey.
5 Ir e be gagiyegnag lan e day, ni ir e sunumeg; ma ku er rogon e but’ ni ir e ngongliy.
6 Mired, ngad siro’gad ngak ngad ted fan; marod ngad ragbuggad u p’eowchen SOMOL, ni ir e sunumegdad!
7 I ir e Got rodad; ma gadad fapi girdi’ ni be ayuweg, ni fare ran’ i saf ni ir e be gafaliy. Mu telmed e daba’ ko thin ni be yog ni be ga’ar:
8 “Dab mu gel niged lanin’med, ni bod ni rin’ pi chitamangimed u Meribah, ni bod e n’en nrin’ed fa rofen nem u daken e ted u Massah.
