10 Ana yia 70 iwita ko bagasan, se bo sail tagiso mu yia 80 taso; bare yia suen la mu ningi mu yaman ikup karogo la, se yia mu tairate menaso se ana mena namasan.
11 Awiri nika gemang magara mu ko iki saparukko terong? Mena. Nika gemang magara ko sokel mu aora biya, se ana mu ko iki se nika nguanganakko.
12 Ana tom maiya biya ali imi te me baganakko; mu ko ni ninguru nanga kasuru se, ana mu te ikia ningo nuam tanakko.
13 O Yawe, tom awila nunguningkiri nika gemang magara anirukko? Ana nika kariimet gemang lila nangaruko.
14 Ni turomola pempem ka kua nangara ko munan mu te, nanga sangaruko; se mu te ana marak baga se mu, wur ilu se amilmil kisu se laganakko.
15 Ana tom suen biya ikup nangaru lagerem, uwutatala aitak amilmil nangaruko; ana yia suen biya baga maguwu lagaman, uwutatala aitak mu amilmil karogo baga se laganakko.
