7 Ba ga’ madgum u lan e mu’ulung ko pi thothup, yad gubin ni yad ba sak’iy ni ka ra ngat’gad ngom.
8 SOMOL ni Got ni Gubin ma Rayag Rok, dariy be’ ni bod fanam gel; A SOMOL, ga ba yul’yul’ u fithik’ urngin ban’en.
9 Gur e ga be gagiyegnag gelngin e day; ga ma mocha’nag e n’ew riy nike puw.
10 I Rahab nib gel gelngin e kam pirdi’iy ke yim’; gelngim nib gel e ke gel nigem ngak e pi to’ogor rom.
11 Fayleng e mmil suwon ngom, ma ku er rogon e tharmiy; gur e mu sunumiy e fayleng nge urngin ban’en ni bay riy;
12 gur e mu tay e lel’och nge yimuch; Burey ni Tabor nge Burey ni Hermon e yow be tang nigem u fithik’ e felfelan’.
