Psalms 89:36-39 in Yapese

³⁶ Gubin ngiyal’ ni bayi par ni bay e gird’ ni owchen, ma bay ug matanagiy gil’ilungun u n’umngin nap’an ni bay e yal’ ni be mat ram’en.

³⁷ Bay i par ndabi m’ay ni bod e pul, bayi par nib mudugil u n’umngin nap’an ni be par lanelang.”

³⁸ Machane ka mu damumuw ngak fare pilung ni gur e mu mel’eg; ya kamn’ag ni kam pi’ keru’um ngak.

³⁹ Kam thang e m’ag ni mu ngongliy u thilmew fare tapigpig rom, ma ka m’on e te’eliyaw ko pilung rok nga marungdu’.