7 A SOMOL, mu dag ngomad fare t’ufeg rom ni dabimus. Ma ga pi’ ngomad e ayuw nggu mat’awgad ngom.
8 Gu be motoyil ko n’en ni be yog SOMOL ni Got; gapas e be micheg ngodad e girdi’ rok, ni fa’anra dab kudsulod ko yupa’ i kanawo’ rodad ni oloboch.
9 Riyul’ nra mat’awnag ngak e pi’in ni bay madgun u wan’rad, nge par e muluplup’ rog u lan e nam rodad.
10 T’ufeg nge yul’yul’ e yow ra mada’; mat’aw nge gapas e yow ra gamuchmuch nga ta’bang.
11 Yul’yul’ rok e girdi’ e bayi yan u fayleng ngalang, ma feni bmat’aw Got e bayi changar u tharmiy nga but’.
