MELKAHKA KAN 84:2-12 in Pohnpeian

² Nen i kin inon ion o anane pera en tanpaj en Ieowa kan; pali war ai o nen i kin polauleki Kot ieiaj.

³ Pwe manpir diaradar deu a, o jwalpe paj a, waja a kin naitik ia: Japwilim omui pei jaraui kan, Main Ieowa Jepaot, ai Nanmarki o ai Kot.

⁴ Meid pai ir, me kin kaujon nan tanpaj omui! Re kin kapina komui anjau karoj. Jela.

⁵ Meid pai karoj, me kin keleki komui, o idedauen komui melel!

⁶ Me kin weweid nan jap en mamaiei, waja re kin weirada parer ia; pil katau kin pwain kidi i pai kan.

⁷ Re kin kakairida ni ar manaman akan, lao re pan janjalada mon Kot nan Jion.

⁸ Main Ieowa, Kot Jepaot, kom kotin ereki ai kapakap: Main Kot en Iakop kotin mani ia! Jela.

⁹ Kot pere pat, kom kotin majan don kit; kom kotin ireron maj en japwilim omui keidier men.

¹⁰ Pwe ran ta ieu mon japwilim omui pera jaraui kan me mau jan ran kid; i mauki mimi pan wanim en tanpaj en Kot, jan kaujon nan im en me doo jan Kot akan.

¹¹ Pwe Kot Ieowa rajon katipin o pere, Ieowa kin kotikida mak o wau, a jota pan kotin mueid on me lelapok kan, en anane me mau kot.

¹² Main Ieowa Jepaot, meid pai aramaj amen, me kin liki komui!

² Ngen i kin inong iong o anane pera en tanpas en Ieowa kan; pali war ai o ngen i kin polauleki Kot ieias.

³ Pwe manpir diaradar deu a, o swalpe pas a, wasa a kin naitik ia: Sapwilim omui pei saraui kan, Maing Ieowa Sepaot, ai Nanmarki o ai Kot.

⁴ Meid pai ir, me kin kauson nan tanpas omui! Re kin kapinga komui ansau karos. Sela.

⁵ Meid pai karos, me kin keleki komui, o idedauen komui melel!

⁶ Me kin weweid nan sap en mamaiei, wasa re kin weirada parer ia; pil katau kin pwain kidi i pai kan.

⁷ Re kin kakairida ni ar manaman akan, lao re pan sansalada mon Kot nan Sion.

⁸ Maing Ieowa, Kot Sepaot, kom kotin ereki ai kapakap: Maing Kot en Iakop kotin mangi ia! Sela.

⁹ Kot pere pat, kom kotin masan dong kit; kom kotin irerong mas en sapwilim omui keidier men.

¹⁰ Pwe ran ta ieu mon sapwilim omui pera saraui kan me mau sang ran kid; i mauki mimi pan wanim en tanpas en Kot, sang kauson nan im en me doo sang Kot akan.

¹¹ Pwe Kot Ieowa rasong katipin o pere, Ieowa kin kotikida mak o wau, a sota pan kotin mueid ong me lelapok kan, en anane me mau kot.

¹² Maing Ieowa Sepaot, meid pai aramas amen, me kin liki komui!

² Ia uwen ei anahne mi wasao! I ngoangkilahr iang mi nan Tehnpas en KAUN-O. Paliwereiet oh ngeni unsek kin kokoulki ei peren ong Koht ieias.

³ Menpihr kan wiadahr pasarail loale, re pil diaradahr dewerail wasao; re ahpw kin neineitik limwahn sapwellimomwi pei sarawi kan, Maing KAUN, Wasa Lapalap, ei nanmwarki, oh ei Koht.

⁴ Meid pai irail kan me kin kousoan nan Tehnpasomwi Sarawio, kokouliong oh kapikapinga komwi ahnsou koaros.

⁵ Meid pai irail kan me kin ale kehlparail sang rehmwi, oh kin ngoangki iang seiloakowohng pohn Nahna Saion.

⁶ Ni ar kin keid nan wahu madekeng en Paka, e kin wiahla utuhnpihl; keteu en menseng ahpw kin kadirekihla pihl wasao.

⁷ Ni ar kin kohkohwei, re kin kekehlailla; re ahpw pahn udiahl Koht en koht akan nan Saion.

⁸ Maing KAUN, Koht Wasa Lapalap, komw ketin karonge ei kapakapet; komwi Koht en Seikop, komw ketin karonge ie!

⁹ Maing Koht, komw ketin kupwuramwahwih at nanmwarki, nanmwarkio me pein komwi ketin pilada.

¹⁰ Pwe rahnteieu nan Tehnpasomwi Sarawio mwahusang rahn kid wasa teikan; ei kin mihmi ni wenihmwen tehnpas en ei Koht mwahusang kousoan nan imwen aramas suwed akan.

¹¹ KAUN-O iei ih me silepatail oh atail nanmwarki lingan, me kin kupwuramwahwihkin kitail kalahngan oh wahu. E sohte kin ketin soikala mehkot mwahu sang irail me kin kapwaiada me pwung.

¹² Maing KAUN, Wasa Lapalap, meid pai irail kan me kin likih komwi!

² Ia uwen ei anahne mi wasao! I ngoangkilahr iang mi nan Tehnpas en KAUN-O. Paliwereiet oh ngeni unsek kin kokoulki ei peren ong Koht ieias.

³ Menpihr kan wiadahr pasarail loale, re pil diaradahr dewerail wasao; re ahpw kin neineitik limwahn sapwellimomwi pei sarawi kan, Maing KAUN, Wasa Lapalap, ei nanmwarki, oh ei Koht.

⁴ Meid pai irail kan me kin kousoan nan Tehnpasomwi Sarawio, kokouliong oh kapikapinga komwi ahnsou koaros.

⁵ Meid pai irail kan me kin ale kehlparail sang rehmwi, oh kin ngoangki iang seiloakowohng pohn Nahna Saion.

⁶ Ni ar kin keid nan wahu madekeng en Paka, e kin wiahla utuhnpihl; keteu en menseng ahpw kin kadirekihla pihl wasao.

⁷ Ni ar kin kohkohwei, re kin kekehlailla; re ahpw pahn udiahl Koht en koht akan nan Saion.

⁸ Maing KAUN, Koht Wasa Lapalap, komw ketin karonge ei kapakapet; komwi Koht en Seikop, komw ketin karonge ie!

⁹ Maing Koht, komw ketin kupwuramwahwih at nanmwarki, nanmwarkio me pein komwi ketin pilada.

¹⁰ Pwe rahnteieu nan Tehnpasomwi Sarawio mwahusang rahn kid wasa teikan; ei kin mihmi ni wenihmwen tehnpas en ei Koht mwahusang kousoan nan imwen aramas suwed akan.

¹¹ KAUN-O iei ih me silepatail oh atail nanmwarki lingan, me kin kupwuramwahwihkin kitail kalahngan oh wahu. E sohte kin ketin soikala mehkot mwahu sang irail me kin kapwaiada me pwung.

¹² Maing KAUN, Wasa Lapalap, meid pai irail kan me kin likih komwi!