9 Se sor garagarayam te bagara ko kariimet suen la nu bowa ningi bagamonko; kager kari nu ilak memek mu ko suwik duap ningi dagulomon ale kupkup namonko.
10 Se sor Tarshish ko king se tual gotektek sang ko mu manga mel ningo ningo karogo tai tumonko. Sor Sheba se sor Seba ko king mu mel ningo ningo karogo tai tumonko.
11 Se king suen la nu koma te nubugura kulukurmon se kariimet sor suen la mu nu bowa ningi la bagamonko.
12 Mu awuk, kariimet nungumik mel mena mu nu arumon, mu nu nunga nuguring iluwokko; se kariimet mel ko tukunangawasan bare nungumik saonga mena, mu nu kota nunga sangukko.
