11 Se king suen la nu koma te nubugura kulukurmon se kariimet sor suen la mu nu bowa ningi la bagamonko.
12 Mu awuk, kariimet nungumik mel mena mu nu arumon, mu nu nunga nuguring iluwokko; se kariimet mel ko tukunangawasan bare nungumik saonga mena, mu nu kota nunga sangukko.
13 Kariimet nungumik nosokel mena, se mel mena bagasan, mu gomang motam nungarukko; se kariimet nungumik mel mena bagasan, mu nunga giok ale nunga sangukko.
14 Se kariimet saki nunga mosan maguwusan, mu nu nunga giok ale nunga sanguk ale ninguru nunga kuerukko.
15 King mu pempem la baga lagarukkowo! Sor Sheba ko gold mu nu tumonko! Se kariimet nu ko ko Kaem aru ngatangarmon, ale balmon, “Kaem ko marak sokel pempem kumik kuali kapa lagarukko,” ma balmonko.
