8 Ani pempem nika nip patawusam ale nika nikim sokel garagar mu ko balsam.
9 Tom ani garukarik ale asokel kaparuk mu ni me agarki daleluwur ale due ko me aga sarumu bitarko.
10 Mu awuk, kari memek aninga balu maguwusan; ale ilu biguwusan ale aga momon se kuerikko balsan.
11 Ale “Kaem me sangukkowo!” masan. “Iluwal ale taliparalko; kariimet bo nu me sangukko.”
12 O aga Kaem, aga bitar ale awar biya me bagerko; tairate tair ale aga sangaruko.
13 Kari den te aga atumusan mu dolara memek te nunga menawurko; kari aninga bita maguwumonko bagasan mu memek biya te nunga bitar se dolomonko.
