17 Ikiko! Kaem ko kager ko mel aora aora suen biya nunguningkiri, am kaura koma mena. Kari Biya laili nunguningkiri Duruk Sinai beteram ale tai ko kuwim laili umu te bagoso.
18 O Yawe, ni talipara kari suen biya nunga giem, ale nongorak nup biya taukko nama tarigirem; se kariimet munan ago tai kisukasan; nusupuling lagara ko kariimet alo mu agotala munan ago tai kisukasan. Se nunguningta nunguningkiri, ni Kaem Yawe ka kuwim laili umu te bagasam.
19 Ana Kari Biya nup patawunakko, nu kota suanta anananga Bataguru Tata ko Kaem; nu tom pempem la anananga ikup giso.
20 Nu Yawe, anananga Sangaru Tata ko Kaem, kuera mateng ko lage memek te nanga bataguru taso.
