MELKAHKA KAN 59:1-12 in Pohnpeian

¹ AI Kot, kom kotin dore ia la jan ai imwintiti kan, o kotin pera jan ia mon me palian ia.

² Dore ia la jan me morjued akan, o kotin jauaja ia jan me inon ion nta.

³ Irail kin majamajan maur i, me kelail akan pokon pena on ia, a jota dip ai, o jota me jued kot, me i wiadar, Main Ieowa.

⁴ Irail tan pena o kaonopada, a jota dip ai. Kom kotin opada waja, o kotin ieian ia, o ireron mepukat.

⁵ Main Ieowa, Kot Jepaot, Kot en Ijrael, kotin opada waja, o kotin kadeikada men liki kan karoj. Kom der maki on amen ir, me kin wia dip ni ar aklapalap. Jela.

⁶ Nin jautik re kin puredo nunun dueta kidi kan, o re kin tanatan jili nan kanim o.

⁷ Kom kotin mani, re kin lidelidu monin; kodlaj kan mi pan kilin au arail: Ij me pan ron?

⁸ A komui, Main Ieowa, pan kotin kiparamat kin irail, o kom pan kotin kalij irail la.

⁹ Kele pa i, i pan rukila re omui. Pwe Kot pere pa i.

¹⁰ Kot kin kotin kajale on ia melel a kalanan; Kot kin kotin wiai on ia, i en peren kida ai imwintiti.

¹¹ Kom der kotin kame ir ala, pwe nai aramaj akan pan monokela, a kotin kamueit ir pajan ki omui mana, Ieowa pere pat, kajapoke ir ala.

¹² Dip eta lokaia en kilin au arail; i me re pan lokidi ni ar aklapalap; pwe re kin lokaia lalaue o likam eta.

¹ AI Kot, kom kotin dore ia la sang ai imwintiti kan, o kotin pera sang ia mon me palian ia.

² Dore ia la sang me morsued akan, o kotin sauasa ia sang me inong iong nta.

³ Irail kin masamasan maur i, me kelail akan pokon pena ong ia, a sota dip ai, o sota me sued kot, me i wiadar, Maing Ieowa.

⁴ Irail tang pena o kaonopada, a sota dip ai. Kom kotin opada wasa, o kotin ieiang ia, o irerong mepukat.

⁵ Maing Ieowa, Kot Sepaot, Kot en Israel, kotin opada wasa, o kotin kadeikada men liki kan karos. Kom der maki ong amen ir, me kin wia dip ni ar aklapalap. Sela.

⁶ Nin sautik re kin puredo ngungung dueta kidi kan, o re kin tangatang sili nan kanim o.

⁷ Kom kotin mangi, re kin lidelidu mongin; kodlas kan mi pan kilin au arail: Is me pan rong?

⁸ A komui, Maing Ieowa, pan kotin kiparamat kin irail, o kom pan kotin kalis irail la.

⁹ Kele pa i, i pan rukila re omui. Pwe Kot pere pa i.

¹⁰ Kot kin kotin kasale ong ia melel a kalangan; Kot kin kotin wiai ong ia, i en peren kida ai imwintiti.

¹¹ Kom der kotin kame ir ala, pwe nai aramas akan pan monokela, a kotin kamueit ir pasang ki omui mana, Ieowa pere pat, kasapoke ir ala.

¹² Dip eta lokaia en kilin au arail; i me re pan lokidi ni ar aklapalap; pwe re kin lokaia lalaue o likam eta.

¹ Maing ei Koht, komw ketin doareiesang ei imwintihti kan; komw ketin sileiesang me kin pelian ie.

² Komw ketin kapitiesang aramas loallap suwed pwuko; komw ketin kapitiehla sang sounkam aramas pwuko!

³ Komw mahsanih! Re awiawih ie pwe re en kemeiehla; aramas lemei kei irail me pokonpenehr pwehn uhwong ie. Maing KAUN, kaidehn pwehki ei dipadahr de wiadahr sapwung ehu,

⁴ de pwehki kisin sapwung kis me mie rehi, me re mwadamwadangkipenehng nan dewerail.

⁵ Maing KAUN, Koht, Wasa Lapalap, komw ketida oh ketido sewese ie; Maing Koht en Israel! Komw pein ketin mahsanih! Komw ohpala wasa oh ketin kaloke me rotorot akan; komw dehr ketin kupwurkalahngan ong me loallap suwed akan!

⁶ Re kin pwurodo nin soutik, wie ngiringir duwehte kidi ni ar kin kohkohseli nan kahnimwo.

⁷ Komw karonge mahs ar lokaia kepweikeng oh kamasepwehk kan. Lowarail kan duwehte kedlahs nan ewarail, re ahpw kin lemeleme me sohte me kin rong irail.

⁸ Ahpw, Maing KAUN, komw kin ketin kiparamatkin irail; komw kin ketin wiahki me rotorot akan mehkot mwahl.

⁹ I kin koapworopworki sapwellimomwi roson; Maing Koht, komwi me ei wasahn ruk.

¹⁰ Ei Koht kin ketin loalloale ie oh pahn ketido rehi; e pahn ketin kasalehiong ie lohdi en ei imwintihti kan.

¹¹ Maing Koht, komw dehr ketin kemeirailla, pwe nei aramas akan dehr manokehla. Ahpw komw ketin katangahkinirailpeseng sapwellimomwi roson lapalap oh kaloweiraildi, Maing ei Kaun, oh silepat.

¹² Dihp mi ni kilinawarail kan; arail koasoi kan koaros diren dihp; komw kupwure pwe arail koasoi kan en lidipihiraildi nan ar pohnmwahso! Pwehki ar kin lahlahwe oh lokaia likamw,

¹ Maing ei Koht, komw ketin doareiesang ei imwintihti kan; komw ketin sileiesang me kin pelian ie.

² Komw ketin kapitiesang aramas loallap suwed pwuko; komw ketin kapitiehla sang sounkam aramas pwuko!

³ Komw mahsanih! Re awiawih ie pwe re en kemeiehla; aramas lemei kei irail me pokonpenehr pwehn uhwong ie. Maing KAUN, kaidehn pwehki ei dipadahr de wiadahr sapwung ehu,

⁴ de pwehki kisin sapwung kis me mie rehi, me re mwadamwadangkipenehng nan dewerail.

⁵ Maing KAUN, Koht, Wasa Lapalap, komw ketida oh ketido sewese ie; Maing Koht en Israel! Komw pein ketin mahsanih! Komw ohpala wasa oh ketin kaloke me rotorot akan; komw dehr ketin kupwurkalahngan ong me loallap suwed akan!

⁶ Re kin pwurodo nin soutik, wie ngiringir duwehte kidi ni ar kin kohkohseli nan kahnimwo.

⁷ Komw karonge mahs ar lokaia kepweikeng oh kamasepwehk kan. Lowarail kan duwehte kedlahs nan ewarail, re ahpw kin lemeleme me sohte me kin rong irail.

⁸ Ahpw, Maing KAUN, komw kin ketin kiparamatkin irail; komw kin ketin wiahki me rotorot akan mehkot mwahl.

⁹ I kin koapworopworki sapwellimomwi roson; Maing Koht, komwi me ei wasahn ruk.

¹⁰ Ei Koht kin ketin loalloale ie oh pahn ketido rehi; e pahn ketin kasalehiong ie lohdi en ei imwintihti kan.

¹¹ Maing Koht, komw dehr ketin kemeirailla, pwe nei aramas akan dehr manokehla. Ahpw komw ketin katangahkinirailpeseng sapwellimomwi roson lapalap oh kaloweiraildi, Maing ei Kaun, oh silepat.

¹² Dihp mi ni kilinawarail kan; arail koasoi kan koaros diren dihp; komw kupwure pwe arail koasoi kan en lidipihiraildi nan ar pohnmwahso! Pwehki ar kin lahlahwe oh lokaia likamw,