5 Nuna kowarkalal maiya dagisan ale den bo te aninga bita maguwumonko wore kupu lagasan, ale nuna aguwaya aga maguwumonko wore ko balu lagasan.
6 Nuna yumusan ale aninga tigiru lagasan; nononga ikia biya mu aninga momon se kuerikko.
7 O Kaem, ni nunga memek koma nungaruko! Nika gemang magara te kariimet umu nunga maguwurko!
8 Ani ikup giem ale karogo mo se memek baga lagerem mu ni ko iki saperem; ni aninga amononge awilaya kaparam mu ni kau saperem ale ko ikisam.
9 Se tom ani nika aurik mu ani ikisam, aga kager kari mu nagu sapamonko. Umu te ani ikisam, Kaem mu aninga saonga bagoso.
10 Ani Kaem ko den ko amilmilasam, ani Yawe ko den ko amilmilasam.
