2 Nina kariimet ninip ago ta, se kariimet ninip mena ta, kariimet mel suen biya karogo, se ningimik mel mena ta, den imi ninguru ikialko.
3 Aninga agiring te ikia sinar ko den balikko; aninga angamang motam ningi den ningo mu balik se ikia ningo ningarukko.
4 Ani den sinar bo angamin te taiso, se aga gita te kola se, ko duap ninga manikko:
5 Ani anape ko tom memek aga irok mu ko ani nguanga se lagarikko? Kari memek nunga kawel te aga laturmon, bare ani me ta nguangarikko.
6 Nuna nunga mel suen biya wore te ira sanamasan, ale nunga manga bibiya wore te nunumi patawusan.
7 Bare ali kari bo ta, bo ko dora kumik dia taukko me terong; agi nu kota numi manga te Kaem kote dia taukko me terong tala.
