5 Pi to’ogor rog e yad be yogneg nga kireb. Yad ba’adag ni nggum ngan pagtalig.
6 Pi’in yad ma yib ni ngar guyed gag e bochan e nge chuw e thin riy; yad ma kunuy thibngig ngar weliyed i yan.
7 Urngin e pi’in kar fanenikayed gag e yad be gun’gun’ nigeg nga but’; tin th’abi kireb e yad ma leamnag ngog.
8 Me lungurad, “Dabki gol e cha’nir; dakriy bangiyal’ nra chuw u chob rok.”
9 Mus ko en nri gamow bpach, ni en nri ma pagan’ug ngak, ni be’ ni gamow ma abich u ta’bang, nike cheal ke togopluw ngog.
10 SOMOL, mu runguyeg ngam gol nigeg, ya nggu fulweg taban e kireb ko pi to’ogor rog.
11 Ra dabiyag ni gel e pi to’ogor rog ngog, ma aram e bay gu nang ni kug fel’ u wun’um.
