2 Kug th’ab gulungag, nda gog ta’ab bugithin, mus nga ban’en ni bfel’ mda gog! Machane, mi ri gel boch e gafgow ngog,
3 ma ke li’eg e magfan’. Fane almarin ni gu be leam, ma aram feni gel ni gu be gafgow; ma dakiyag rog ni dab gu fith ni ngug ga’ar:
4 “SOMOL, bu uw n’umngin nap’an ni ngku’ug par ni gub fos? Wu’in e nggum’? Mog ngog ko uw feni ke chugur ni nge mus e yafos rog.”
5 Karim ngochnag nap’an e yafos rog! Dariy n’umngin nap’an e yafos rog u pulwom. Rriyul’ ni gubin e girdi’ nib fos e gowa ba wuchuth i nifeng,
6 ni bod fon ban’en ni pel u owchey. Gubin e n’en ni yima rin’ ma dariyfan; gadad be kunuy e machaf, machane dad nanged ko mini’ e ra fla’ab riy.
