7 Aninga asusuru yaman mu tama iwita barasoso, aninga angimik lilim la yukuwa saparam.
8 Ani menarem ale angimik sokel mena saparam; ani angamang motam yaman karogo nia kika lagasam.
9 O aga Biya, aninga angamang motam mu ni ari saperem; aninga niara kikira mu ni ko iki saperem.
10 Ani angamang motam daung daung maso ale angimik sokel menaso; amotam tiromorom iram se sor arigekko me terong.
11 Aga lot gawir ewere te se, aga gue suan alo se aga sikisaki alo aga dulursan; aga bagara suan alo mu ago ko awar biya bagasan.
12 Kariimet aninga momon se kuerikko mu aninga dagarok kira gilingisan, se kariimet ani yaman aisimonko mu aga maguwumonko balu gilingisan; nuna ani ago ko bala guruga wore me ta bita to arigisan.
13 Bare ani mu kari bo dogowa mena se den me ikiso iwita bagasam; kari bo kuring mena se munakarukko me terong iwita bagasam.
