1 (David ko wur) Ali imi, se mel suen biya awote aniso, mu Yawe ko la; ali imi lilim la, se kariimet suen la te anisan, mu Kaem ko la.
2 Nu yu gagi nungam asele balam se yu nama kuwim suanta bolala awuman se ali sor aratam ale sokel ago aniso.
3 Arika Yawe ko duruk te nama tarigimonko terong? Ale arika noko kuwim laili mu te sanamamonko terong?
4 Mu kariimet nuguting karur mena, se nongomang motam lilim, se kaem kawel me nunup patawusan, ale saki alo den kawel te me nunga kulursan, kariimet uwuta mu Kaem ko kuwim umu te bagamonko terong.
