30 Re Got ney — e rib th’abi fel’ e ngongol rok! Thin rok e rib pagan’uy ngay! Ir e bod bangi shield ngak gubin e pi’in nma gay e ayuw rok ni nge yororiyrad.
31 I SOMOL, ni kemus ni ir e Got; kemus ni Got e yoror rodad.
32 Ir fare Got nma gel nigeg, nma yal’uweg kanawo’eg.
33 I teg ni gu bod ba deer nib l’agl’ag rifrifen ay; me teg ndab gu thay u p’ebugul e burey.
34 Ma fil rogon e mael ngog, ya nge yag ni gu cham ko bin th’abi gel e gat’ing.
35 A SOMOL, ga ma yororiyeg ma ga ma ayuwegneg; ayuw rom e ke gilnag buguwag, ma gelngim e ke teg ndariy ban’en nike buch rog.
36 Ka mu ayuwegneg ni de yag nni koleg, ma dawor gu dol’ bingyal’.
