3 Ana Kari Biya amilmil tunakko, mu awuk, nu kari bibiya suen la nunga kiaram ale nu la Kari Biya.
4 Yawe amilmil tunakko. Nu kota kiwem bibiya duap duap beteso.
5 Noko ikia te la taiti lilim beteram se aratam.
6 Nu ali yu guang awote murakoyam muru beteram.
7 Nu nikim ko melmasak bibiya nunga beteram.
8 Worem mu woremkalal nikim tuokko.
9 Sige se baras mu tirom nikim tumonko.
10 Yawe amilmil tunakko. Nu Egypt kariimet nunga kuriang gira bilangara mu nunga moram se kua sapaman.
