1 SOMOL, dab mpag talin David nge urngin e maruwel ni ngongliy.
2 SOMOL, mu leamnag e n’en ni micheg, ni mow ni micheg ngom, I gur fare Got rok Jacob, nib Th’abi Gel Gelngin ni ga’ar:
3 “Dab gu wan nga tabinaw rog ara gu wan nga chob;
4 dab gu toffan ara gu mol
5 nge yan i mada’ ko ngiyal’ ni nggu pir’eg bang ni nge par SOMOL riy, ni nge mang tabinaw ngak fare Got rok Jakob, nib Th’abi Gel Gelngin.”
6 Gu rung’aged murung’agen fare Kahol ko M’ag u lan yu Bethlehem, mu gu pir’eged u daken e ted u Jaar.
